രചന : ബിനോയ് വർഗീസ് ✍️
കാറ്റുവീശി ജാലകം തുറന്നുപോയി
നാട്ടുവഴി മഴയിലലിഞ്ഞുപോയി
കാത്തുനിന്ന മിഴിയിൽ തിരിയായ്
നേർത്തൊരോർമ്മ മനസ്സിൽ തങ്ങിപ്പോയി
മാനം കറുത്തു മുകിലായ് തിങ്ങി
വാനം കുളിരായ് മനസ്സിൽ തങ്ങി
താനേ മിന്നൽ വെട്ടമായ് മിന്നി
നീയണയുമെന്നു മിഴി തേടി നിന്നു
പാടത്തു വെള്ളം തളംകെട്ടി നിന്നു
നാട്ടിൽ ആരുമറിയാതെ നിന്നു
കാട്ടിൽ പോലെ തനിച്ചു നിന്നു നീ
വാടാത്ത മൗനമായി തങ്ങി നിന്നു
കാവിലെ അമ്പല നടയിൽ തിരി തെളിഞ്ഞു
പാവനമായ പുഴക്കര തളർന്നു
പൂവു കൊഴിഞ്ഞ മുറ്റത്തും പോലും
ജീവനായ് നീയെന്ന ഭാവം ബാക്കി
കാലം കഴിഞ്ഞു കഥ മാഞ്ഞുപോയി
ജാലം പോലെ മോഹം തങ്ങിപ്പോയി
ജ്വാല പോലെ ദാഹം പടർന്നു നിന്നു
മാല പോലെ രാഗം മാത്രം ബാക്കി
