🏵️ പരിസ്ഥിതി സംരക്ഷണം 🏵️

രചന : ബേബി മാത്യു അടിമാലി ✍

ഇന്ന് ലോക പരിസ്ഥിതി ദിനം. ഇത് നമ്മുടെ കലണ്ടറിലെ ഒരു ആഘോഷ ദിവസം എന്നതിനുമപ്പുറം പരിസ്ഥിതി സംരക്ഷണത്തിനായുള്ള അവബോധം വളർത്തുന്നതിനും അതിനായുള്ള പ്രവർത്തനങ്ങൾ പ്രോത്സാഹിപ്പിക്കുന്നതിനുമായി ലോകമാസകലമുള്ള ജനങ്ങൾ ആചരിക്കുന്ന ഒരു പ്രധാന ദിനമാണ്.
ആഗോളതാപനം ഇപ്പോൾ തന്നെ കൈകാര്യം ചെയ്യേണ്ട ഗുരുതരമായ പ്രശ്നമാണ്. പാരിസ്ഥിതിക നാശത്തിന്റെ പ്രധാന കാരണങ്ങളിലൊന്നാണിത്. അതിനാൽ ആഗോളതാപനം തടയുകയും പരിസ്ഥിതിയെ സംരക്ഷിക്കുകയും ചെയ്യേണ്ടത് നമ്മുടെ കടമയാണ്.

അതുപോലെ, വിവിധതരം മലിനീകരണത്തിനും ചൂഷണത്തിനും ഭൂമിയുടെ നാശത്തിനും കാരണമാകുന്ന പ്ലാസ്റ്റിക് ഉപയോഗം പോലുള്ള നമ്മുടെ ദൈനംദിന പ്രവർത്തനങ്ങളിൽ നിയന്ത്രണം ആവശ്യമാണ്.
നമ്മുടെ ഭൂമിയെ പുനഃസ്ഥാപിക്കാൻ, അതിന് സംഭവിച്ചുകൊണ്ടിരിക്കുന്ന നാശനഷ്ടങ്ങൾ തടയുന്നതിനും ആവാസവ്യവസ്ഥ നിലർത്തുന്നതിനും ആവശ്യമായുള്ള വഴികൾ നാം കണ്ടെത്തണം. ഭൂമിയെ ചൂഷണം ചെയ്യുന്നത് അവസാനിപ്പിച്ച് അതിനെ സുഖപ്പെടുത്താൻ തുടങ്ങേണ്ട സമയമാണിത്.

ലോകത്തിലെ 40 ശതമാനം കരഭൂമിയും ഇപ്പോൾ മോശം അവസ്ഥയിലാണെന്ന് ഐക്യരാഷ്ടസഭ മുന്നറിയിപ്പ് നൽകിയിട്ടുണ്ട്. ഈ പ്രശ്നം ബഹു ഭൂരിപക്ഷം ജനങ്ങളെ ബാധിക്കുകയും ആഗോള സാമ്പത്തീക ഉൽപ്പാദനത്തിൽ ഗണ്യമായ കുറവ് ഉണ്ടാകുകയും ചെയ്യമെന്നത് ഗൗരവപൂർവ്വം ചർച്ച ചെയ്യേണ്ടുന്ന വിഷയമാണ്. 2000 മുതൽ വരൾച്ച 29 ശതമാനം വർദ്ധിച്ചു. ഇത് പരിഹരിക്കാനുള്ള ശാസ്ത്രിയ നടപടികൾ സ്വീകരിച്ചില്ലെങ്കിൽ , 2050 ആകുമ്പോഴേക്കും ആഗോള ജനസംഖ്യയുടെ മുഖാൽ ഭാഗവും വർച്ചയുടെ പ്രത്യാഘാതങ്ങൾ അനുഭവിക്കേണ്ടിവരും എന്നാണ് ഈ രംഗത്തെ വിദഗ്ദർ അഭിപ്രായപ്പെടുന്നത്.

ആരോഗ്യകരമായ ആവാസവ്യവസ്ഥയിലൂടെ ജനങ്ങളുടെ ഉപജീവനമാർഗം മെച്ചപ്പെടുത്താനും നമ്മുടെ ജൈവവൈവിധ്യം തകരുന്നത് തടയാനും കഴിയും. മൊത്തത്തിൽ, നമ്മുടെ ഭൂമിയെ ഭാവി തലമുറകൾക്കായി ഒരു മികച്ച സ്ഥലമാക്കി മാറ്റുന്നതിനുള്ള നടപടികൾ സ്വീകരിക്കാൻ ഭരണകൂടങ്ങളും സന്നദ്ധ സംഘടനകളും സമൂഹമാകെയും കൈകോർത്ത് പ്രവർത്തിക്കണമെന്ന് ഈ ദിനം നമ്മളെ ഓർമ്മപ്പെടുത്തുന്നു.