🌻 കള്ളൻ🌻

രചന : രജിത. എൻ.കെ🍁 ✍️

കളവ് ചെയ്യാൻ
ലഹരി മൂത്ത കള്ളൻ
അതിലൊരു മാന്ത്രികത കണ്ടെത്തിയിരുന്നു..
അടർത്തി മാറ്റാൻ
പറ്റാതെ ആ വിദ്യ
അയാളെ തെറ്റായ വഴിയെ
വീണ്ടും വീണ്ടും നടത്തിച്ചു – -കൊണ്ടിരുന്നു..
കൊടിയ പീഢനങ്ങളും
ജയിൽശിക്ഷയും
ഏറ്റുവാങ്ങിയെങ്കിലും
രഹസ്യജീവിതം അയാളെ ഉൻമത്തനാക്കി..
കട്ടുതിന്നുള്ള ആ മധുരം മറ്റെന്തിനേക്കാളും
വീണ്ടും വീണ്ടും
മോഹിപ്പിച്ചുകൊണ്ടിരുന്നു..
ഹൃദയം കവരുന്ന
കള്ളൻ അല്ലെങ്കിൽ
കള്ളി ഇതേപാതയിലാകാം
സഞ്ചാരം..
വീണ്ടും വീണ്ടും
കളവ് നടത്താൻ
ഇഷ്ടം തോന്നി..
നില മറന്ന് രഹസ്യസഞ്ചാരം നടത്തി മുറിവേറ്റ്
വഴി തെറ്റി സ്നേഹത്തിൻ
ലഹരി നുണഞ്ഞ്
രോഗം ബാധിച്ച്
നിലതെറ്റി വീഴുന്നവർ
വീണ്ടും ആ വഴി പോകാതിരിക്കൂ
മഴയിൽ നനഞ്ഞു
നറുനിലാവിൽ ലയിച്ച്
പ്രണയത്തിലാകും
വിശാലതയുമായി
നോവകറ്റുന്ന
പുഴയുമായി..
വേറിട്ട കാഴ്ചകളിൽ
നിറയട്ടെ സ്നേഹം
🍁