രചന : ജോർജ് കക്കാട്ട് .✍
ഒരുമിച്ചെത്രയോ കാലം,
കൈകൾ കോർത്തു നടന്നവർ.
ചിരിയിലും കണ്ണീരിലും,
ഒപ്പമുണ്ടായിരുന്നവർ.
മഴവില്ലുപോലെ വിരിഞ്ഞു,
സ്വപ്നങ്ങളെത്രയോ മനോഹരം.
പ്രണയത്തിൻ ഈ യാത്രയിൽ,
അകലങ്ങളില്ലവർക്കെന്നും.
മഞ്ഞണിഞ്ഞ പുലരികൾ,
സന്ധ്യകൾ നക്ഷത്രമെഴുതിയ രാവുകൾ.
ഓരോ വർഷവും സാക്ഷിയായ്,
അവരുടെ സ്നേഹത്തിൻ കഥകൾ.
ഇനിയും ഒരുമിച്ചു നടക്കാൻ,
ആയുസ്സുണ്ടാകണേ ദൈവമേ.
ഈ പ്രണയം നിലനിൽക്കട്ടെ,
എന്നെന്നും മധുരമായി, സ്നേഹമായി.