രചന : ജോർജ് കക്കാട്ട് ✍
ക്രിസ്മസ് കഴിഞ്ഞു, മരം ഒഴിഞ്ഞു,
നക്ഷത്രം താഴ്ത്തി, വെളിച്ചം കുറഞ്ഞു.
പുൽക്കൂട് മാറ്റി, കളിപ്പാട്ടമെല്ലാം
പെട്ടിയിലാക്കി, ചിരിയൊച്ച താണു.
മധുരം തീർന്നു, പലഹാരം കാലി,
സന്തോഷം മെല്ലെ, മങ്ങലായി മാറി.
പുതുവർഷം വരും, പ്രതീക്ഷ നൽകും,
ഓർമ്മകൾ മാത്രം, കൂടെ ബാക്കിയാകും.
മഞ്ഞുകാലം, ഇനിയും വരും,
ക്രിസ്മസ് വീണ്ടും, നമ്മെ തേടിയെത്തും.
സ്നേഹവും പങ്കും, മറക്കാതിരിക്കാൻ,
ഓരോ ദിവസവും, ഓർമ്മപ്പെടുത്തും.
മഞ്ഞിന്റെ മൂടുപടം നീങ്ങി,
വെളിച്ചം മെല്ലെ ഉണരുന്നു.
പുൽക്കൂടിൻ മൗനം കേൾക്കുന്നു,
പാട്ടുകൾ ദൂരെ മായുന്നു.
നക്ഷത്ര വിളക്കുകൾ താഴ്ത്തി,
മരമെല്ലാം ശാന്തമായി നിൽക്കുന്നു.
സമ്മാന പൊതികൾ ഒഴിഞ്ഞു,
ഓർമ്മകൾ മാത്രം ബാക്കിയാവുന്നു.
ഒരുമതൻ ചൂടുള്ള ചിന്തുകൾ,
മനസ്സിൽ എന്നും നിറയുന്നു.
സ്നേഹത്തിൻ മധുരം പകർന്നു,
പുഞ്ചിരി നാളേക്കു കാക്കുന്നു.
വരവിനായ് വീണ്ടും കാത്തിരിപ്പൂ,
പുതിയൊരു ക്രിസ്മസ് സ്വപ്നം കാണുന്നു.
നന്മയും സ്നേഹവും എന്നും,
ഈ ലോകത്തിൽ നിറയട്ടെ .