രചന : ഉഷാചന്ദ്രൻ ✍
ശ്രീ “ദേവൻതറപ്പിലിന്റെ” മികച്ച ആസ്വാദനക്കുറിപ്പോടെ ഇതിനിവിടെ തുടക്കമിടുന്നതാണ് ഏറെ അഭികാമ്യം എന്ന് കരുതിയതിനാൽ ഒരു ശിരോലങ്കാരമായി ഇവിടെയിരിക്കട്ടെ!
ഏറെ നന്ദി മാഷേ ! നിലപാടുകൾ, സുവ്യക്തവും ഉറച്ചതും സാമൂഹ്യപ്രതിബദ്ധതയുള്ള, നന്മയുള്ള ഒരെഴുത്തുകാരൻ/ കാരി സമൂഹത്തോട് വിളിച്ചുപറയേണ്ടതുമായ ഒന്നാണ്. ഒരുപാടിഷ്ടമായി മാഷേ!💞🙏💞
ഉഷാചന്ദ്രൻ രചിച്ച ‘സോഷ്യൽ മീഡിയ വൈറസ്’ എന്ന കവിത
ആസ്വാദനവും.
ദേവൻ തറപ്പിൽ
, ഇന്നത്തെ ഡിജിറ്റൽ ലോകത്തെ ഏറ്റവും അശ്ലീലമായ ഒരു പ്രവണതയെ കൃത്യമായി വരച്ചുകാട്ടുന്നു. പണത്തിനും പ്രശസ്തിക്കും വേണ്ടി സ്വന്തം അഭിമാനം പണയം വെക്കുന്നവരെ കവിതയിൽ പരിഹാസരൂപേണയും എന്നാൽ ശക്തമായ ഭാഷയിലും വിമർശിക്കുന്നുണ്ട്.
- മൂല്യത്തകർച്ചയുടെ പേക്കൂത്തുകൾ
“ജീവിതത്തിന്റെ മൂല്യത്തകർച്ചയിൽ… മത്സരരിച്ചാടിടുന്നു പേക്കൂത്തുകൾ”
സമൂഹത്തിൽ ധാർമ്മികത നശിക്കുമ്പോൾ, മാധ്യമങ്ങളെ ദുരുപയോഗം ചെയ്ത് ചിലർ നടത്തുന്ന വിക്രിയകളെയാണ് കവിതയുടെ തുടക്കത്തിൽ പരാമർശിക്കുന്നത്. വെറും ‘ലൈക്കിനും’ ‘വ്യൂസിനും’ വേണ്ടി എന്ത് മ്ലേച്ഛതയും ചെയ്യാൻ മടിക്കാത്ത ഒരു കൂട്ടം ആളുകളെ ഇത് വിരൽചൂണ്ടുന്നു. - നഗ്നതാ പ്രദർശനവും ജുഗുപ്സയും
“നാരിമാരുടെ നഗ്നപ്രദർശനം… തുള്ളുമാ മുലജന്യം ജുഗുപ്സയും”
ഏറ്റവും രൂക്ഷമായ ഭാഷയിൽ കവി ഇവിടെ പ്രതികരിക്കുന്നു. ശരീരഭാഗങ്ങൾ പ്രദർശിപ്പിച്ച് വൈറലാകാൻ ശ്രമിക്കുന്ന സ്ത്രീകളുടെ രീതി അറപ്പുളവാക്കുന്നതാണെന്ന് (ജുഗുപ്സ) കവിത പറയുന്നു. നാല് കാശിന് വേണ്ടി മാന്യത വിട്ട് പെരുമാറുന്ന ഈ ‘സോഷ്യൽ മീഡിയാ റാണിമാർ’ യഥാർത്ഥത്തിൽ പരിഹാസ്യരാവുകയാണ്. - സ്വന്തം ഭാര്യയെ വിൽക്കുന്നവർ
“ഭാര്യയെന്നൊരു പേർ ചൊല്ലി വേശ്യതൻ…
പെണ്ണിനെവിറ്റു പുട്ടടിക്കുന്നവർ”
സ്ത്രീകളെ മാത്രം കുറ്റപ്പെടുത്താതെ, ഇതിന് കൂട്ടുനിൽക്കുന്ന പുരുഷന്മാരെയും കവിത വെറുതെ വിടുന്നില്ല. സ്വന്തം പങ്കാളിയെ അശ്ലീലമായി പ്രദർശിപ്പിച്ച് അതിൽ നിന്ന് വരുമാനം കണ്ടെത്തുന്ന ‘മക്കുണന്മാരെ’ (നാണമില്ലാത്തവർ) കവി നിശിതമായി വിമർശിക്കുന്നു. ഇത് വെറും വരുമാനമല്ല, മറിച്ച് അന്തസ്സ് വിറ്റുള്ള ആഡംബരമാണ്. - കാമദാരിദ്ര്യവും കീടങ്ങളും
“നിന്ദ്യരായുള്ള കീടങ്ങളാർത്തിടും… നീലകൊണ്ടൊരു സുന്ദരദൃശ്യവും”
ഇത്തരം ദൃശ്യങ്ങൾക്കായി കാത്തിരിക്കുന്ന ഒരു വലിയ വിഭാഗം ആളുകളെ ‘കീടങ്ങൾ’ എന്നാണ് കവി വിശേഷിപ്പിക്കുന്നത്. കാണുന്നവനും കാണിക്കുന്നവനും ഒരുപോലെ അധഃപതിക്കുന്ന ഈ അവസ്ഥ സോഷ്യൽ മീഡിയയെ ഒരു അഴുക്കുചാലാക്കി മാറ്റുന്നു. - ശുദ്ധീകരണം ആവശ്യമാണ്
“കീടനാശിനികൊണ്ടു നിർമ്മാർജ്ജനം… ചൊല്ലിയാലെന്റെ നാവുളുക്കീടുമേ !
ഇത്തരം സാമൂഹിക വിപത്തുകളെ തുടച്ചുനീക്കാൻ വിവേകമുള്ള മനുഷ്യർ മുന്നോട്ട് വരണമെന്ന് കവി ആഹ്വാനം ചെയ്യുന്നു. കൂടുതൽ പറഞ്ഞാൽ നാവുപോലും അശുദ്ധമാകും എന്ന പരിഹാസത്തോടെയാണ് കവിത അവസാനിക്കുന്നത്.
ശക്തമായ വിമർശനം,
പണത്തിന് വേണ്ടിയുള്ള ഈ അധഃപതനം എന്തിന്?
ഈ കവിത മുന്നോട്ട് വെക്കുന്ന രാഷ്ട്രീയം വളരെ പ്രസക്തമാണ്. ഫേസ്ബുക്കിലും ഇൻസ്റ്റാഗ്രാമിലും റീൽസ് വഴി പണമുണ്ടാക്കാൻ സ്വന്തം നഗ്നത പ്രദർശിപ്പിക്കുന്ന സ്ത്രീകൾ ഒരു കാര്യം ഓർക്കണം അഭിമാനം വിറ്റ് വാങ്ങുന്ന പണം ഒരിക്കലും ഐശ്വര്യം കൊണ്ടുവരില്ല.
അന്തസ്സ് വേണോ അതോ റീൽസ് വേണോ?: സ്ത്രീത്വം എന്നത് പ്രദർശനവസ്തുവല്ല. നാല് കാശിന് വേണ്ടി വസ്ത്രത്തിന്റെ നീളം കുറയ്ക്കുന്നവർ തങ്ങൾക്കു ലഭിക്കുന്ന ‘കമന്റുകൾ’ ഒന്ന് വായിച്ചു നോക്കണം. അത് പ്രശംസയല്ല, മറിച്ച് കാമഭ്രാന്തന്മാരുടെ ലാലസ മാത്രമാണ്.
മാതൃകയാകേണ്ടവർ വരുംതലമുറയ്ക്ക് എന്ത് സന്ദേശമാണ് ഇത്തരം പ്രവൃത്തികൾ നൽകുന്നത്? അധ്വാനിച്ച് പണമുണ്ടാക്കുന്നതിന് പകരം ശരീരം കാട്ടി എളുപ്പവഴിയിൽ പണമുണ്ടാക്കാൻ ശ്രമിക്കുന്നത് സമൂഹത്തിന്റെ നട്ടെല്ല് തകർക്കുന്ന പരിപാടിയാണ്.
അവസാനിക്കണം ഈ പേക്കൂത്തുകൾ കവിതയിൽ പറയുന്നതുപോലെ, ഇത്തരം ‘സോഷ്യൽ മീഡിയ വൈറസുകളെ’ അവഗണിക്കുകയാണ് വേണ്ടത്. അഭിമാനമില്ലാത്ത പെണ്ണിന്റെയും അതിന് വിസിലിടാൻ നിൽക്കുന്ന ആണിന്റെയും ഈ കൂട്ടുപിടുത്തം അവസാനിപ്പിക്കാൻ ശക്തമായ സാമൂഹിക ബോധവൽക്കരണം അനിവാര്യമാണ്.
ഹാസ്യത്തിന്റെ മേമ്പൊടിയുണ്ടെങ്കിലും കവിത ചർച്ച ചെയ്യുന്നത് അതീവ ഗൗരവമുള്ള വിഷയമാണ്. സ്വന്തം ഭാര്യയുടെ ശരീരത്തെ ചരക്കാക്കി മാറ്റാൻ കൂട്ട് നിൽക്കുന്ന നപുംസകങ്ങളായ ഭർത്താന്മാർക്ക് ഇതൊരു താക്കീതാണ്.
സോഷ്യൽ മീഡിയ വൈറസ് (ഹാസ്യകവിത)~~~~~~
ജീവിതത്തിന്റെ മൂല്യത്തകർച്ചയിൽ
മാദ്ധ്യമങ്ങൾ കരുവാക്കിടുന്നതാം
മ്ലേച്ചരായുള്ള സാമൂഹ്യജീവികൾ
മത്സരിച്ചാടിടുന്നു പേക്കൂത്തുകൾ
നിത്യവും കാണുമോരോ വിശേഷമായ്
നാരിമാരുടെ നഗ്നപ്രദർശനം
മുട്ടനാം നിതംബങ്ങളും വന്യമായ് –
തുള്ളുമാ മുലജന്യം ജുഗുപ്സയും
ഭാര്യയെന്നൊരു പേർ ചൊല്ലി വേശ്യതൻ
പെണ്ണുടൽ തുറന്നിട്ടവൻ കാട്ടിടും
നാണമില്ലാത്ത മക്കുണന്മാർ ചിലർ
പെണ്ണിനെവിറ്റു പുട്ടടിക്കുന്നവർ
നിന്ദ്യരായുള്ള കീടങ്ങളാർത്തിടും
വായ് പൊളിച്ചവരീളയിറ്റിച്ചിടും
കാമദാരിദ്ര്യമുക്തി വരുത്തുവാൻ
നീലകൊണ്ടൊരു സുന്ദരദൃശ്യവും
കീടനാശിനികൊണ്ടു നിർമ്മാർജ്ജനം,
ചെയ്യുവാൻ
പുരുഷോത്തമരെത്തണം
ഇല്ലെനിക്കിനി ചൊല്ലുവാനൊന്നുമേ
ചൊല്ലിയാലെന്റെ നാവുളുക്കീടുമേ !
ഉഷാചന്ദ്രൻ ✍️