🌹ഇശ്ഖ് 🌹 ….. Askar Areechola

വർത്തമാനകലത്തിന്റെ അക്ഷയ ജലധിയിൽ നിന്ന് ജീവിതമെന്ന ഏത്തക്കൊട്ടയിൽ നിമിഷബിന്ദുക്കളെ കാര്യകരണങ്ങളില്ലാതെ ഭൂതകാലത്തിന്റെ ഗ്രീഷ്മസ്ഥലികളിലേക്ക്
കഠിനപരിശ്രമങ്ങളിലൂടെ കോരിയൊഴിച്ച് വൃഥാവിലാവാൻ വിധിക്കപ്പെട്ടവരോ…നാം… “
നശ്വര മനസ്സിന്റെ ഒടുങ്ങാത്ത പഥാർത്ഥപ്രേമത്താൽ,അതിജീവനത്തിന്റെ എത്ര വിയർപ്പുതുള്ളികൾ പൊഴിച്ചിട്ടാണ് നമ്മൾ ആയുസ്സിനെ നിരർത്ഥകതകളുടെ പുറംപോക്കുകളിലേക്ക് നിരന്തരം ഒഴുക്കി വിടുന്നത്.
ഈ ദുനിയാവിലെ കഴിഞ്ഞുപോയ ഇന്നലെകൾ തീരാനഷ്ട്ടങ്ങളും, നഷ്ട്ടബോധങ്ങളുമല്ലാതെ മറ്റെന്താണ് പരാമർത്ഥിക സത്യത്തെ അറിയാൻ ശ്രമിക്കാത്ത ഒരാളുടെ ഭൗതിക,ജൈവ വ്യവസ്ഥിതിക്ക് നൽകാൻ കഴിയുക…? “
ഒരുപക്ഷേ ആകാശത്തിന്റെ അനന്തതകളിൽ പക്ഷികളുടെ സാമ്രാജ്യങ്ങളുണ്ടാവാം… “!
അവിടെ ഏകാധിപതികളും, സ്വച്ഛാധിപതികളുമായ ചക്രവർത്തിപറവകളുണ്ടാവാം…!
ഘോരയുദ്ധങ്ങളും, പരിണിത ഫലങ്ങളായ ജീവഹാനികളും, അംഗനഷ്ട്ടങ്ങളും, പട്ടിണിയും,വീണ്ടും വീണ്ടുമുള്ള യുദ്ധഭീതികളുമുണ്ടാവാം…”
കുടിയേറ്റങ്ങളും, കുടിയൊഴിപ്പിക്കപ്പെടലുകളുമുണ്ടാവാം…!!
മറുജാതിക്കെതിരെ സ്വജാതിപക്ഷപാതത്തിന്റെ ക്രൂരമായ നിയമ സംഹിതകളും, ആകാശസാമ്രാജ്യങ്ങളുടെ നിയതമായ അതിർവരമ്പുകളും, എതിരാളികൾക്കും, അതിക്രമിച്ചു കയറുന്നവർക്കും, അനഭിമത അഭയാർത്ഥികൾക്കുമുള്ള കൽത്തുറങ്കുകളും, കരാഗ്രഹ വാസങ്ങളുമുണ്ടാവാം….,”
ആട്ടിയോടിക്കലുകളും, പലയാനങ്ങളുമുണ്ടാവാം… “
അധസ്ഥിത വിഭാഗങ്ങൾക്ക് ശാരീരിക, മാനസിക പീഡനങ്ങളുടെ തുടർക്കഥകളും, ജീവബലികളുമുണ്ടാവാം.. “
രണാങ്കണങ്ങളുടെ അതിഭീഭത്സതകൾക്കിടയിൽ ആർത്താട്ടഹാസങ്ങൾക്കും, ദീനവിലാപങ്ങൾക്കുമിടയിൽ അനുകമ്പയുടെയും, ദയനീയതയുടെയും, ശത്രുമിത്ര ഭേദങ്ങളില്ലാത്ത കരുണപ്പകർച്ചകൾ കാണാം…!”
നിശ്ചയിക്കപ്പെട്ട സമയങ്ങളുടെ അവസാനങ്ങളിൽ ആകാശത്തിലെ ചക്രവർത്തിമാരും, പ്രജകളും, രാജാകൊട്ടാരങ്ങളും, രാജാങ്കണങ്ങളും, അതിവിശാല സാമ്രാജ്യങ്ങൾ തന്നെയും സ്വയമേ തകർന്ന് ഒടുവിൽ ഭൂമിയിൽ മണ്ണോട് ചേരും… “
ഭൗ‌തീകവും, ജൈവീകവുമായ സ്വപ്നങ്ങളും,,.. സാമ്രാജ്യ മോഹങ്ങളും തഥൈവ..!!
പക്ഷേ….
മൺകൂടുപേക്ഷിക്കുന്ന മനുഷ്യാത്മാവിനും, അതിന്റെ ആത്മ പലയാന നൈരന്തര്യങ്ങൾക്കും അനന്തസീമകളുടെ ആകാശലോകങ്ങളിൽ അനശ്വരമായൊരു ആത്മയാനമുണ്ട്…അവിരാമമായ അനശ്വരതയുടെ പ്രണയ പാതയുണ്ട് “”!
സ്വന്തം പ്രണയിനിയിലേക്കുള്ള അനിർവ്വചനീയമായ ലയനലഹരിയുണ്ട്..””!!
നിതാന്തമായ ആത്മനിർവൃതികളുടെ അനന്തശയനം…”
മൗലാ… ഞാനീ വഴിത്താരയിലല്ലായിരുന്നെങ്കിൽ എത്രമാത്രം നഷ്ടത്തിലായേനേ…
🌹ആദരവോടെ ഇശ്ഖ് 🌹

✒️അസ്‌ക്കർ അരീച്ചോല.