രചന : റഫീഖ്. ചെറുവല്ലൂർ ✍
ഖത്തറിലിപ്പോളത്തറിൻ
മണമൊന്നുമല്ല ഹേ…
പൂമണമോലും ചെറുക്കാറ്റും തലോടും.
എങ്ങും മരുഭൂവെന്നൊരു
ചൊല്ലുമിനി വേണ്ട,
വർണക്കാവടിയേന്തി നിൽക്കും
പൂമരങ്ങളാൽ മനോഹരമാകുന്നു
വഴിയോരങ്ങളും.
മരുഭൂമിയെ പച്ചയുടുപ്പിച്ചു
ചെറുകാടുകളുമങ്ങിങ്ങു സുന്ദരം.
നിറമുള്ള സ്വപ്നങ്ങളാൽ,
മായാത്തൊരോർമകളിൽ
മലയാണ്മ മനസ്സിലുണ്ടെങ്കിലും
ബാക്കിയുണ്ടാകുമോ
ചെറ്റു ഹരിതാഭയങ്ങ് ഒടുവിൽ കിടക്കും
മൺകൂനയിലെങ്കിലും.