രചന : ജോർജ് കക്കാട്ട് ✍
കവിത വേണ്ടേ, വേണ്ടേന്ന് വെക്കാം,
വാക്കുകൾ കൂട്ടാതെ നോക്കാം.
മനസ്സിലെന്തോ മിണ്ടുന്നു മെല്ലെ,
അതിനെ മൂടിവെക്കാം നല്ലെ.
കടലിലെ തിരകൾ പോലെ,
ഓരോ വാക്കും വന്നുവരുന്നു.
അതിനെ പിടിച്ചു കെട്ടാമെങ്കിൽ,
കവിതയില്ലാ ലോകം തീർക്കാം.
നിറയെ നിറയെ ചിന്തകളുണ്ട്,
എല്ലാം ഒതുക്കി വെച്ചാലോ?
പുഞ്ചിരി മാത്രം മതിയെങ്കിൽ,
കവിത പിന്നെന്തിനായ് വേണം?
വേദനയുണ്ടേൽ ഒളിപ്പിക്കാം,
സന്തോഷം പങ്കിടാതെ പോകാം.
കവിതയില്ലാത്തൊരു നാളേക്ക്,
നമുക്കൊന്നിച്ചു നടന്നു നീങ്ങാം.