🗡️ കണ്ടില്ല, ഇത്രയും⚰️

രചന : കൃഷ്ണമോഹൻ കെ പി ✍

കരിയില അഞ്ചാറെണ്ണം ചിതറിക്കിടന്നപ്പോൾ,
കരുത്തങ്ങു പകരുവാൻ
കൂട്ടിച്ചേർത്തല്ലോ പണ്ട് ……,
കണ്ടതാ, വേർപെട്ടു കിടക്കുന്ന ,
കല്ലുകൾ മൂന്നെണ്ണത്തെ,
എടുത്തത് അടുപ്പാക്കീ,നാശങ്ങൾ തിളപ്പിക്കാൻ..
കാരണമില്ലാത്തൊരു കാര്യത്തെയെടുത്തൊരു
കരവാൾ ഉയർത്തിയാ,
കലാപം തുടങ്ങുമ്പോൾ,
കരുതിയില്ലാ, ഇങ്ങീ അടുപ്പിലായാളിപ്പോകും
കരിയിലകൾ, തൻ്റെ നാശമാമതുമെന്ന്
കയ്യിലങ്ങിരുന്നൊരു ഭൂമി തന്നാധാരത്തെ
കത്തുന്നതു കണ്ടു കരയുന്നു, ചന്ദ്രക്കല
കമലാംഗി വിളയാടും കാമ്യ ദേശത്തിൻ നേർക്ക്
കരുക്കൾ നിരത്തിയ നീയൊരു മണ്ടൻ തന്നെ
കരുതാതെയിരുന്നൊരു സമയത്തു കഠോരമാം
കൊല ചെയ്തവനല്ലേ അനുഭവം തുടർന്നെത്തും
കുഷ്ഠരോഗിയെപ്പോലെ വെറുക്കും നിന്നെ ലോകം
കഷ്ടത തൻ നാളുകൾ അണഞ്ഞൂ നിൻ നക്ഷത്രത്തിൽ …… ⚰️
(ഇതിലെ കരിയിലകൾ, തീവ്രവാദി ഗ്രൂപ്പുകളും …….
ഇതിലെ അടുപ്പുകല്ലുകൾ, അവരെ സഹായിക്കുന്നവരുമാണ്)