📚⭐💙വീണ്ടും വിദ്യാലയത്തിലേക്ക്🌈

രചന : അൻവർ ഷാ ഉമയനല്ലൂർ ✍

എല്ലാ കുഞ്ഞുമക്കൾക്കും ഹൃദയം നിറഞ്ഞ ആശംസകളോടെ ♥️

വിദ്യാലയ,മുറ്റങ്ങളുണർന്നൂ
വേനലവധികഴിഞ്ഞൂ
ചെറുകുളിർ മഴയോടൊത്തു വരുന്നൊരു കാലംചിരിതൂകുന്നൂ.
നിത്യവുമൂർജ്ജംപകരാൻ മാനസമാനന്ദത്തേൻ നുകരാൻ
വിദ്യാലയമൊരു വാസന്തത്തെ വരവേൽക്കാനുണരുന്നൂ.
സ്വാഗതമോതാം നവബാല്യങ്ങൾഅക്ഷമധുരം നുകരാൻ
നവ ചിത്രങ്ങൾ
നൽകുംകാലം
സുഖമാണെന്നു പഠിക്കാൻ.
മധുരമനോഹര കാലം; പ്രിയരാം വിദ്യാർത്ഥികളുടെ ലോകം
സമത്വസുന്ദര കാവ്യം;
സുഖതരമാകുമതിൻ സ്മൃതി താളം.
രസിച്ചുയർന്നു പറക്കാൻ മാനസ-
മൊന്നാണെന്നു നിനയ്ക്കാൻ
ഗുരുത്വമോടെ വളർന്നുവരാനാ-
യുണർച്ചയോടെ പഠിക്കാം.
മഹത്വജീവിതമേ കി പലർക്കും
മാതൃകയായവരെല്ലാം
നമുക്കുനൽകുമിയുന്മേഷത്തി ൻ
തുടർച്ചയാകാൻ നോക്കാം.
അക്ഷര മഹിമയറിഞ്ഞു വളർന്നൊരു
യുവലോകത്തേക്കെത്താൻ
കൈരളിതൻ പ്രിയനാമ മഹത്വം അണയാതെന്നു മുയർത്താൻ
സ്വാഗതമാശംസിപ്പൂ പ്രിയതര-
കാലം; ബാല്യമിതോർക്കൂ
പഠിച്ചു ഭാവി സുരഭിലമാകാൻ ഗുരുനാഥരെ വന്ദിക്കൂ.
മാതൃ പിതാക്കളിൽ നിന്നുമനുഗ്രഹ-
വർഷം ചൊരിയുന്നേവം
കൃത്യമുണർന്നു പഠിച്ചുദയത്തിൻ
നിത്യപ്രതീകവുമാകൂ…