രചന : ജോർജ് കക്കാട്ട് ✍
ഇല്ല പൈസ, ഒന്നുമില്ല കയ്യിൽ,
എങ്കിലും ജീവിതം ഒഴുകുന്നു മെല്ലെ.
പുഞ്ചിരി തൂകുന്നൊരു സൂര്യനുദയം,
അതുമതി, മനസ്സിലെ ദുഃഖമകറ്റാൻ.
കാണുന്ന പൂക്കളിലെ വർണ്ണങ്ങൾ എത്ര,
കേൾക്കുന്ന പക്ഷികളുടെ പാട്ടുകൾ എത്ര.
സ്നേഹിക്കാൻ ആളുകളുണ്ടെൻ ചുറ്റും,
അതുകൊണ്ടെൻ ലോകം നിറയുന്നു പുത്തൻ.
വിശക്കുമ്പോൾ കിട്ടുമൊരു കഞ്ഞിവെള്ളം,
ദാഹിക്കുമ്പോൾ കുടിക്കാനൊരു തണുത്ത കാറ്റും.
ഉറങ്ങാനൊരു മരച്ചുവടുണ്ടെനിക്ക്,
സന്തോഷമെൻ കൂടെയുണ്ടെപ്പോഴും സത്യം.
പണമില്ലേലും ഞാൻ ഭാഗ്യവാനാണ്,
സ്നേഹവും സൗന്ദര്യവും എന്നുമെൻ കൂടെയാണ്.
ഈ ജീവിതം തന്നെയൊരു സമ്മാനമാണ്,
അതറിഞ്ഞാൽ മതി, അതുതന്നെയെൻ നേട്ടം.