എൻജിനിയറിങ് വിസ്മയം തീർത്ത് ഇന്ത്യയുടെ അത്യാധുനിക ടണൽ ബോറിങ് മെഷീൻ…
ഇത്രയും കാലം വിദേശ നിർമ്മിത യന്ത്രങ്ങൾക്കുമുന്നിൽ വിഅത്ഭുതംകൂറി നിന്ന ഇന്ത്യ, ഇനി ആ ചരിത്രം തിരുത്തുകയാണ്. ഭൂമിയുടെ ആഴങ്ങളിലേക്ക് അനായാസം തുളച്ചുകയറാൻ ശേഷിയുള്ള ആ ഭീമൻ യന്ത്രം’അർജുന’ ഇന്ത്യൻ മണ്ണിൽ തന്നെ പിറവിയെടുത്തു. ‘മെയ്ക്ക് ഇൻ ഇന്ത്യ’ സ്വപ്നങ്ങൾക്ക് കരുത്തേകി, ഇന്ത്യൻ എൻജിനീയറിങ് മികവിന്റെ ഉത്തമ ഉദാഹരണമായി ഈ ടണൽ ബോറിങ് മെഷീൻ (TBM) മാറിക്കഴിഞ്ഞു.
എന്താണ് ഈ ഭീമന്റെ പ്രത്യേകത?
വിദേശരാജ്യങ്ങളെ, പ്രത്യേകിച്ച് ചൈനയെയും യൂറോപ്യൻ രാജ്യങ്ങളെയും വലിയ വില നൽകി ടണൽ ബോറിങ് മെഷീനുകൾക്കായി ആശ്രയിച്ചിരുന്ന ഇന്ത്യയ്ക്ക്, ‘അർജുന’ ഒരു വലിയ ആത്മവിശ്വാസമാണ്. മേഘ എൻജിനീയറിങ് ആൻഡ് ഇൻഫ്രാസ്ട്രക്ചർ ലിമിറ്റഡ് (MEIL) എന്ന ഇന്ത്യൻ കമ്പനിയാണ് ഈ അത്ഭുതം യാഥാർഥ്യമാക്കിയത് .
മലയാളികൾക്ക് അഭിമാനിക്കാവുന്ന ഒരു കാര്യം കൂടിയുണ്ട്; ഇന്ത്യയുടെ അടിസ്ഥാന സൗകര്യ വികസന ഭൂപടത്തിൽ, റോഡുകളും റെയിൽവേ ടണലുകളും നിർമ്മിക്കുമ്പോൾ ഇനി തദ്ദേശീയമായ കരുത്ത് നമുക്ക് മുൻപിലുണ്ടാകും. മുംബൈയിലെ തിരക്കേറിയ ഭൂഗർഭ പദ്ധതികളിൽ അർജുനയുടെ സാന്നിധ്യം വൈകാതെ തന്നെ ഉണ്ടാകുമെന്നാണ് റിപ്പോർട്ടുകൾ സൂചിപ്പിക്കുന്നത്.
സങ്കീർണ്ണതകളുടെ ആഴങ്ങളിൽ
നൂറുകണക്കിന് ടൺ ഭാരവും, ഭീമാകാരമായ കട്ടറുകളും ഉള്ള ഈ യന്ത്രം, പാറകളെയും മണ്ണിലെ കടുപ്പമേറിയ പാളികളെയും ഒട്ടും പ്രയാസമില്ലാതെ തുരന്ന് മുന്നേറും. അത്യാധുനിക സെൻസറുകളും കമ്പ്യൂട്ടർ നിയന്ത്രിത സംവിധാനങ്ങളും ഉള്ളതിനാൽ, ഒരു ശസ്ത്രക്രിയ പോലെ കൃത്യതയോടെയാണ് അർജുന ഭൂമിക്കടിയിൽ പ്രവർത്തിക്കുന്നത്.
എന്തുകൊണ്ട് ഇത് നിർണ്ണായകമാണ്?
ഇന്ത്യയിലെ വലിയൊരു തുക ടണൽ നിർമ്മാണ യന്ത്രങ്ങൾ ഇറക്കുമതി ചെയ്യാൻ മാത്രം ചെലവാകുന്നുണ്ട്. കൂടാതെ, അറ്റകുറ്റപ്പണികൾക്കും മറ്റും വിദേശ വിദഗ്ധരെ ആശ്രയിക്കേണ്ടി വരുന്ന അവസ്ഥയും ഇല്ലാതാകും. ചെന്നൈയിൽ സജ്ജീകരിച്ചിരിക്കുന്ന അത്യാധുനിക നിർമ്മാണ കേന്ദ്രത്തിൽ അർജുനയെപ്പോലെ നിരവധി ഭീമന്മാർ ഉടലെടുക്കും.
രാജ്യം വികസനത്തിന്റെ പാതയിൽ കുതിക്കുമ്പോൾ, അർജുനയെപ്പോലെ കൃത്യതയാർന്ന, കരുത്തുറ്റ ഈ യന്ത്രം ഇന്ത്യയുടെ ഭാവി നിർമ്മാണ മേഖലയ്ക്ക് നൽകുന്നത് വലിയ ഊർജ്ജമാണ്. പാറക്കെട്ടുകളും മലകളും ദുഘട പ്രതിബന്ധങ്ങളും ഇനി അർജ്ജുനയ്ക്ക് മുൻപിൽ വഴിമാറും. ഇതിനോടകം വിവിധ രാജ്യങ്ങൾ ഈ യന്ത്രത്തിന്റെ സഹായം തങ്ങളുടെ നിർമ്മാണ പ്രവർത്തനങ്ങൾക്ക് ആവശ്യപ്പെട്ടിരിക്കുന്നതും എടുത്തുപറയേണ്ട ഒന്നാണ്…