രചന : നടരാജൻ ബോണക്കാട്• ✍️
🫧
പൊട്ടുതൊട്ട മുഖം
പൊട്ടു തൊടാ മുഖം
_ഇഷ്ടം.
പൊട്ട്,
മുഖകാന്തിക്കും കാഴ്ചക്കും
ഇടയിൽ ഒരു കരടുപോലെ
ഉറുത്തുമെനിക്ക്.
അതിനാൽ
പൊട്ടില്ലാ മുഖമേറെയിഷ്ടം.
സീമന്തകുങ്കുമം
സവർണപുരുഷാധിപത്യത്തിന്റെ
സൂക്ഷ്മപ്രതീകം.
സാരിയിൽ ഏറെ
ആകർഷണീയം –
പിന്നെ ഷർട്ട് പാന്റ്സ്
പഠിപ്പിടത്തിലും ഹിജാബ്
എന്ന
മതഭ്രാന്ത് ഇല്ലെങ്കിൽ
അത് അഴക്,
പർദ്ദ വിഴുങ്ങിയ മുഖം ഭീകരം
_പേടിയാവും.
മൂക്കുത്തി
അതണിയുന്നവരുടെ മാത്രം
ആനന്ദം
വലിപ്പമേറും തോറും മുഖം
അന്യവൽക്കരണം
അനുഭവിക്കുന്നത്.
കോമ്രേഡ് രൂപേഷിന്റെ
കോമ്രേഡ്
ഷൈനയെ
മൂക്കുത്തിയിൽ കണ്ടപ്പോൾ
അസ്വസ്ഥനായത്
എന്തുകൊണ്ടായിരിക്കും?
നഗ്നമായ മുഖം സാർവദേശീയം
നഗ്നമായ ആത്മാവു പോലെ
മനോഹരം
വിപ്ലവകരം.
- എന്റെ പെൺമുഖം