നഴ്‌സ് വിസയില്‍ പുതുതായി ഒരു മാസം മുമ്പ് സൗദിയില്‍ എത്തിയ മലയാളി നഴ്‌സ് ഹൃദയാഘാതം മൂലം റിയാദില്‍ മരിച്ചു. ദല്ല ഹോസ്പ്പിറ്റലില്‍ ജോലി ചെയ്യുന്ന പത്തനംതിട്ട പന്തളം സ്വദേശി തലയോലപറമ്പ് അരുണ്‍ നിവാസില്‍ രാജിമോള്‍ (32) ആണ് ആശുപത്രിയില്‍ വെച്ച് ഹൃദയാഘാതമുണ്ടായി മരിച്ചിരിക്കുന്നത്.
നാട്ടില്‍ നിന്ന് പുതിയ വിസയില്‍ ഒരു മാസം മുമ്പാണ് ജോലിക്ക് എത്തിയിരിക്കുന്നത്. പിതാവ്: രാമചന്ദ്രന്‍, മാതാവ്: വിജയമ്മ, ഭര്‍ത്താവ്: എം.ആര്‍. അഖില്‍. മൃതദേഹം നാട്ടില്‍ എത്തിക്കാനുള്ള നിയമനടപടി ക്രമങ്ങള്‍ പൂര്‍ത്തിയാക്കാന്‍ റിയാദ് കെ.എം.സി.സി രംഗത്തുണ്ട്.