കഴുതയെപ്പോലെ
അവിശ്വാസത്തിന്റെ
ഭാണ്ഡക്കെട്ടുംപേറി
കുതിരയെപ്പോലെ
പായുന്ന കാലം…!
പൊട്ടിച്ചിരിക്കുന്ന
പൊതുജനത്തിനു മുന്നില്‍
മിന്നിത്തിളങ്ങുന്ന അഭിനയക്കോലങ്ങള്‍ …!
വെട്ടിപ്പിടിച്ചു
മുന്നേറുമ്പോഴും
നഷ്ടത്തിലേക്ക്‌
കുതിക്കുന്ന
ജീവിതയാഥാര്ഥ്യങ്ങൾ..
പഴംകഥകള്‍ക്കു
ചുണ്ണാമ്പ് തേച്ചു
മുറുക്കിത്തുപ്പുന്ന വഴിയോരക്കാഴ്ച്ചകള്‍..!
ആടിത്തിമിര്ക്കുന്ന ദുരാഗ്രഹങ്ങള്‍ക്കിടയില്‍
ചതഞ്ഞുവീഴുന്ന
വെറുംവാക്കുകള്‍..!
നിശ്ശബ്ദത്തേങ്ങലിൽ
ഉരുകിതീരുന്നു
അന്ധകാരംനിറഞ്ഞ
പുകയടുപ്പുകള്‍…!
മുറിവുകളില്‍ പച്ചമണ്ണ്‍ പൊതിഞ്ഞുകെട്ടി
നീരുറവകള്‍
കാത്തിരിക്കുന്നു
ചില പ്രതീക്ഷകള്‍ .!