🌹 ചാച്ചാജിയുടെ ഓർമ്മയിൽ …….🌹

രചന : ബേബി മാത്യു അടിമാലി✍️

ചാച്ചാജിയുടെ ജന്മദിനം
ഭാരത മണ്ണിൻ പുണ്യ ദിനം
നെഞ്ചിൽ ചുവന്ന പനിനീരും
തലയിൽ നല്ലൊരു തൊപ്പിയുമായ്
പുഞ്ചിരിപൂക്കൾ
നമുക്ക് തന്നൊരു
നമ്മുടെ സ്വന്തം ചാച്ചാജി
ആദ്യ പ്രധനമന്ത്രിയായ
കുഞ്ഞുങ്ങൾതൻ ചാച്ചാജി
സ്വാതന്ത്ര്യത്തിൻ സമരപഥങ്ങളിൽ
നേതാവായൊരു ചാച്ചാജി
വികസനത്തിൻ മാതൃകകൾ
തുടങ്ങിവെച്ചൊരു ചാച്ചാജി
മതേതരത്വമതീനാട്ടിൽ
ഊട്ടിവളർത്തിയ ചാച്ചാജി
മതവും ജാതിയുമില്ലാതെ
മാനവനെ ഒന്നായ്കണ്ട
ചേരിചേര നയമുലകിൽ
നടപ്പിലാക്കിയ ചാച്ചാജി
പഞ്ചവത്സര പദ്ധതികൾ
നാടിതിനേകിയ ചാച്ചാജി
സമത്വ ബോധം സ്വാതന്ത്ര്യം
ഉൽഘോഷിച്ചൊരു ചാച്ചാജി
ഭാരത മണ്ണിൻ അഭിമാനം
പാരിൻ നടുവിലുയർത്തിയവൻ
ഈ നാടിന്റെ മാനവ മനസിൽ
എന്നുമെന്നും ജീവിക്കും
ഏകുന്നു ഞാൻ ചച്ചാജിക്ക്
അഖണ്ഡകോടി പ്രണാമങ്ങൾ
ആ പാദങ്ങളിലർപ്പിക്കുന്നു
ആയിരമായിരം റോസാപൂ