🌈തിളക്കമുള്ള മനസ്സുകൾ⭐

രചന : അൻവർ ഷാ ഉമയനല്ലൂർ✍

🌈🦜വർണ്ണച്ചിറകുകൾ നൽകുന്നുണർവ്വിന്റെ
കർണ്ണികാരങ്ങൾ ; വിടർന്ന മനസ്സുകൾ.
ശുഭരമ്യ ഗ്രാമമുണർത്തുന്നു; സാമ്യമായ്
വാസന്തഹൃദയങ്ങ,ളെൻകാവ്യസരസ്സുകൾ.
ഓരോ മനസ്സിലുമുണരുന്നു വ്യതിരിക്ത-
ചിന്തകൾ; നവ്യമാം കാവ്യമലരുകൾ
ചിലരിൽ തുളുമ്പുന്ന മധുപാത്രമേകയാൽ
മധുരിതമാക്കു,ന്നുദയാസ്തമയങ്ങൾ.
മനസ്സേവമുഷസ്സുകൾമാത്രംവിടരുന്ന
സ്വർഗ്ഗീയതീരമല്ലറിയേണ്ടതാണുനാം.
എഴുതുന്നു സഹനവർണ്ണങ്ങളാൽ പലരിലും
തിരകളുയർത്തുന്ന കദനചിത്രങ്ങളും.
വേദനാപൂർണ്ണമാണെങ്കിലും ചിലമനം
സാധനാവഴിയിലൂടെവ കാവ്യമാക്കയാൽ
പുലരിയാകു,ന്നഴൽത്തിരിതാഴ്ത്തിവയ്ക്കുന്നു;
ഇതരസുഖമിഴികളാ,യഴകുദർശിക്കുന്നു.
മനസ്സാണുമുഖ്യം; തമസ്സിലാണെങ്കിലും
തരസാ നുകരാൻ കഴിയേണമനു ദിനം.
ഇതരമനമല്പവും മുറിയാതിരിക്കുവാൻ
സദയകാവ്യങ്ങളാൽ സുദിനാർദ്രമാക്കണം
തവസന്മനസ്സിൽത്തെളിയും ചെരാതുമായ്
അവനിയിന്ന ലിവിന്റെ കാവ്യം കുറിക്കയാൽ
എൻഗ്രാമ്യപൊൻവിളണക്കണയുന്നതിൻമുന്നെ –
യെഴുതുന്നു; തവസ്നേഹ കാവ്യമിന്നെൻ മനം.🌈
💙♥️💙♥️💙♥️