രചന : കാഞ്ചിയാർ മോഹനൻ ✍️
മുല ചുരത്തി, അമ്മ തൻ
ആത്മാവാണു പകരുന്നത്…..
എന്നിട്ടും മക്കളെന്തേ
തെരുവിൽ തള്ളുന്നൂ
ഈ അമ്മയെ
അച്ഛൻ കൊണ്ട
വെയിലാണ്
മക്കൾ തൻ
തണലത്രയും
എന്നിട്ടും മക്കളെന്തേ
അറയിൽ
തള്ളുന്നിതച്ഛനെ ?
എഴുതാനേറെയു
ണ്ടെന്നാകിലും
കഴിയുന്നില്ലമ്മ
മാരേൽക്കും പീഢനം.
ജീവിതം മക്കൾക്കായ് ഹോമിച്ച
അച്ഛൻ തൻതെരുവിലെ
വിലാപങ്ങൾ………?
ചെയ്യും പാപകർമ്മങ്ങൾ
ഡെമോക്ലസ്സിൻ്റെ വാളുപോൽ,
മനുഷ്യാ നിൻ തലയ്ക്കുമീതെ
തൂങ്ങി നിൽക്കുന്നതു കാണുക.
ആർക്കെന്തു
വന്നാലെന്തേ
എനിക്കെന്തു ചേതം….
അണുക്കളങ്ങനെ
പടരട്ടെ
എൻ്റെ രാജ്യം
വളരേണമെ ?
വലുതാകാൻ ചെയ്യും പരീക്ഷണം
ലോകത്തെ കൊന്നൊടുക്കവേ,
അറിയുന്നില്ലല്ലോ
ആരും
കാലിനടിയിലെ
പൂഴിനീങ്ങുന്നത് ?
എനിക്കെൻ്റെ ഭാര്യയും
മക്കളും
നീ കഞ്ഞി വെച്ചില്ലെങ്കിൽ എനിക്കെന്ത്?
എനിക്കെൻ്റെ പള്ളവീർക്കണം.
നിനക്കു നൊന്താലെന്ത്
എനിയ്ക്ക് സുഖം
വേണം
നിനക്കു നൊന്താലല്ലേ
എനിക്കു പരമസുഖം വരൂ
പരസ്പരസ്നേഹമില്ലാ
ത്തോർതൻ
കരളു പാകിയാൽ സ്നേഹംകിളിർക്കില്ല,
ഹൃദയമാവാഹിക്കണം
സ്നേഹം.
അതു മനസ്സിലെപ്പൊഴും നിറയണം.
