🌾 ഉതിർമണികൾ🌾

രചന : ശോഭ.വി എൻ പിലാക്കാവ് ✍️

കനകത്തിൻ നിറമാർന്ന കതിരണിപ്പാടങ്ങൾ…..
കാറ്റിന്റെ കൈകളിലൂയലാടി!!
കമനീയക്കാഴ്ചയിലാമോദം പൂണ്ടു ഞാനൊരു
മാത്ര മതിമറന്നെങ്ങോ പോയി !!
കതിർക്കൊയ്യാനെത്തിയാ പെണ്ണുങ്ങൾ കൈകൂപ്പി…..
കതിരവനെ തൊഴുതുണർന്നു!!
കറ്റകളാക്കി മുറിച്ച കതിർക്കുല
കെട്ടുകളാക്കിത്തലയിലേറ്റി !!
താളത്തിൽ തല്ലി മെതിച്ചു തിർമണിയെല്ലാം
വാരിയുണക്കാൻ നിരത്തിയിട്ടു!!
ചേലോടെ ചിക്കിയുണക്കിയ നെൽമണി –
യേറിയാപത്തായവും നിറഞ്ഞു !!
വിത്തായ നെൻമണിമഞ്ഞും വെയിലും
കൊണ്ടുൾക്കരുത്താകാനുണങ്ങാനിട്ടു!!
ബാല്യത്തിന്നോർമ്മകളോരോന്നായെന്നുള്ളി
ലക്ഷര മുത്തായതിർന്നു വീണു !!
🌾🌾🌾🌾🌾🌾