📖’മലയാളം’ (ആധുനിക കേരളീയൻ)

രചന : ഉണ്ണി ഭാസുരി ഇൻ ഗുരുവായൂർ.✍

എഴുതാത്ത വാക്കുകൾ തേടി, നമ്മൾ
നാലുപുറം പാഞ്ഞുനടന്നു.
മൊഴിയാത്ത മൊഴിയുടെ ഭംഗി, അറി-
ഞ്ഞന്യമാം ഭാഷയെ സ്നേഹിച്ചു!
​പാഠങ്ങൾ ചൊല്ലാൻ പറഞ്ഞാൽ, ‘അയ്യേ’,
മലയാളമെന്തെന്നു ചോദിച്ചു.
കണ്ടുള്ള കാര്യങ്ങൾ പോലും, വെറും
ഇംഗ്ലീഷിൽ മാത്രം കുറിച്ചു.
​”എന്താണു ‘അമ്മേ’, ‘Mother’s Day’?” എന്നു
ചോദിച്ച ബാല്യങ്ങളെങ്ങോ?
കൂടിച്ചേരുമ്പോൾ നമ്മൾ, വെറും
പുതിയൊരർത്ഥങ്ങളെങ്ങോ തേടി!
​”വെറും ‘ചായ’യല്ല, ‘Tea’യാണു വേണ്ടത്”
എന്നു പറഞ്ഞു ശീലിച്ചു.
‘ഉച്ചഭക്ഷണം’ വേണ്ട, ‘Lunch’ മതി
എന്നു പറഞ്ഞ് നമ്മൾ രസിച്ചു.
​’പോകുവാൻ’ നേരത്ത് നമ്മൾ, ‘Bye’
എന്നു പറഞ്ഞവർ നമ്മൾ.
‘നമസ്കാരം’ വേണ്ട, ‘Hi’ മതി
എന്നു പറഞ്ഞവർ നമ്മൾ.
​ഓൺലൈനിലെങ്ങും നിറഞ്ഞു, കേര-
നാടിന്റെ ഭാഷയെഴാതെ.
അടിക്കുറിപ്പുകൾ, പോസ്റ്റുകൾ, നമ്മൾ
ഇംഗ്ലീഷിലാണു കുറിച്ചത്.
​വളർന്നു വരുന്ന തലമുറയീ,
മലയാളത്തെന്താണു ചൊല്ലും?
സ്വന്തമാം ഭാഷയെ നമ്മൾ, വെറും
‘ലോക്കൽ’ എന്നു പറഞ്ഞാലോ?
​’വെർണാക്കുലർ’ എന്നൊക്കെയുള്ള
പേരുകൾ നമ്മൾ വിളിച്ചു,
നമ്മുടെ ഭാഷയെ നമ്മൾ, വെറും
മറ്റൊരവസ്ഥയിലാക്കി.
​ചിന്തിക്കണം നമ്മൾ, ഇന്നേ…
ഇനിയില്ല സമയം കളയാൻ.
മാറ്റങ്ങൾ വേണം, അതു പക്ഷേ
ഈ വിധം വേണോ, മലയാളത്തിൽ?