രചന : ജോർജ് കക്കാട്ട് ✍️
പുതിയൊരു ലോകം, പുഞ്ചിരി തൂകി,
കണ്ടൊരു നേരം, മൊഴികൾ തേകി.
“എന്നെന്നും നിന്റേത്” എന്നോതിയോൻ,
മായ്ച്ചു കളഞ്ഞു, പളുങ്കു സ്വപ്നം.
കള്ള വാഗ്ദാനം, കണ്ണീരിൽ കുതിർന്നു,
നെഞ്ചകം വെന്തു, നോവുകൾ പടർന്നു.
വിശ്വാസം പോകെ, വെറുപ്പ് മാത്രം,
ജീവിതം വെറും, കരിനിഴൽ ചിത്രം.
ക്രൂരത മാത്രം, ബാക്കിയായ് വന്നു,
വസന്തം പോകെ, ശിശിരം നിന്നു.
ഒരുമിച്ചില്ലാ വഴിയിൽ തനിച്ചായ്,
സ്വയം വെടിഞ്ഞു, മരണത്തെ പുൽകി.
ഇനിയൊരു ലോകം, തേടുന്നിതാ പാവം,
സ്നേഹമില്ലാത്തോരീ ഭൂമി വെടിഞ്ഞു.
വാഗ്ദത്തം വെറും, കളിവാക്കായെങ്കിൽ,
എന്തിനീ ജീവിതം, ചോദ്യചിഹ്നമായ്.