രചന : തട്ടാരി രവീന്ദ്രനാഥ് ✍
നമ്മുടെ ഫോണിൽ അധികം ഫോട്ടോകളോ വീഡിയോകളോ ഇല്ലെങ്കിലും പലപ്പോഴും
” Storage Full ” എന്ന മെസേജ് വരാറുണ്ട് . ഗാലറിയിൽ പോയി പഴയ കാര്യങ്ങൾ ഡിലീറ്റ് ചെയ്താലും പലപ്പോഴും സ്പേസ് കൂടാറില്ല . ഇതിന് പിന്നിലെ പ്രധാന വില്ലൻ വാട്സ്ആപ്പ് ആണ് !
നമ്മൾ മറ്റൊരാൾക്ക് അയക്കുന്ന ഓരോ ഫോട്ടോയുടേയും , വീഡിയോയുടേയും ഒരു
‘ ഡ്യൂപ്ലിക്കേറ്റ് കോപ്പി ‘ വാട്സ്ആപ്പ് നമ്മുടെ ഫോണിന്റെ ഉള്ളിലെ ഒരു രഹസ്യ ഫോൾഡറിൽ സൂക്ഷിക്കുന്നുണ്ട് . ഇത് ഗാലറിയിൽ നോക്കിയാൽ കാണാൻ കഴിയില്ല . വർഷങ്ങളായി ഇങ്ങനെ അടിഞ്ഞുകൂടുന്ന ഫയലുകൾ ഫോൺ ഹാങ്ങാവാനും , മെമ്മറി നിറയാനും കാരണമാകുന്നു .
ഈ അനാവശ്യ ഫയലുകൾ നീക്കം ചെയ്ത് ഫോൺ സ്പീഡ് കൂട്ടാൻ താഴെ പറയുന്ന 5 ഘട്ടങ്ങൾ പരീക്ഷിച്ചു നോക്കൂ :
ചെയ്യേണ്ട രീതി
( 5 Stages ) :
ഫയൽ മാനേജർ തുറക്കുക : ഫോണിലെ File Manager ( അല്ലെങ്കിൽ My Files ) ഓപ്പൺ ചെയ്ത് Internal Storage സെലക്ട് ചെയ്യുക .
ആൻഡ്രോയ്ഡ് മീഡിയ കണ്ടെത്തുക :
സ്റ്റോറേജിൽ Android ➔ Media ➔ com.whatsapp എന്ന ക്രമത്തിൽ ഫോൾഡറുകൾ തുറക്കുക
വാട്സ്ആപ്പ് മീഡിയയിലേക്ക് പോകുക :
ശേഷം WhatsApp ➔ Media എന്ന ഫോൾഡർ തുറക്കുക . അവിടെ വാട്സ്ആപ്പിലെ വിവിധ കാറ്റഗറികൾ ( Images , Video , Audio ) കാണാം .
’ Sent ‘ ഫോൾഡർ ക്ലിയർ ചെയ്യുക :
ഓരോ കാറ്റഗറി ഫോൾഡറും തുറക്കുമ്പോൾ അതിനുള്ളിൽ ‘ Sent ‘ എന്നൊരു ഫോൾഡർ കാണാം . അതിനുള്ളിലുള്ളതാണ് നമ്മൾ മറ്റുള്ളവർക്ക് അയച്ച ഫയലുകളുടെ കോപ്പികൾ .
പെർമനന്റ് ആയി ഡിലീറ്റ് ചെയ്യുക :
‘ Sent ‘ ഫോൾഡറിലെ ഫയലുകൾ Select All ചെയ്ത ശേഷം
‘ Delete Forever ‘ അല്ലെങ്കിൽ
‘ Delete Permanently ‘ എന്നത് തന്നെ ക്ലിക്ക് ചെയ്യുക . ( എങ്കിൽ മാത്രമേ മെമ്മറി ഉടൻ ഫ്രീ ആവുകയുള്ളൂ ) .
പ്രത്യേകം ശ്രദ്ധിക്കാൻ :
ഇത് ഡിലീറ്റ് ചെയ്യുന്നത് കൊണ്ട് നിങ്ങളുടെ ഗാലറിയിലുള്ള ഒറിജിനൽ ഫയലുകൾ നഷ്ടപ്പെടില്ല . നിങ്ങൾ മറ്റുള്ളവർക്ക് അയച്ച കാര്യങ്ങളുടെ വെറും
” ഡ്യൂപ്ലിക്കേറ്റ് ” മാത്രമാണ് ഇവിടെ ഇരിക്കുന്നത് .
കുറഞ്ഞ മെമ്മറിയുള്ള ഫോൺ ഉപയോഗിക്കുന്നവർക്കും , ഫോൺ ലാഗ് അടിക്കുന്നവർക്കും ഈ അറിവ് വലിയ ഉപകാരമായിരിക്കും .
