🪸 ഛായാമുഖി🪸

രചന : രജിത. എൻ കെ ✍️

ഛായാമുഖിലെ കാഴ്ചകൾ
ഏറെയും നിങ്ങൾ
കണ്ടു കഴിഞ്ഞതു തന്നെ…
അച്ചടക്കമില്ലാത്ത ചിന്തകളുടെ
ഒഴുക്ക് കൊണ്ട് അവിടെമാകെ
നശിപ്പിക്കപ്പെട്ടിരിക്കുന്നു..
അകന്നു മാറി നടക്കാം
പ്രിയപ്പെട്ടയിടങ്ങളിൽ
നിന്നെന്ന് കരുതിയെന്നാകിലും..
നോവുകൾ മാത്രം വീണ്ടും മുളപൊട്ടുന്നു
വിശ്വാസം നഷ്ടപ്പെടുന്നത്
ക്ഷമ ഇല്ലായ്മയാകാം..
പെട്ടെന്ന് ഫലം ലഭിക്കുമെന്നുള്ള
പ്രതീക്ഷയാകാം…
കെട്ടുപിണഞ്ഞ പോയ കാഴ്ചകളിൽ
മായാതെ അവിടെ കാണാം..
അല്ലെങ്കിലും അതുമാത്രമാണവിടെ
നിങ്ങൾക്ക് കാണുവാൻ കഴിയുന്നത്..
ഇപ്പോൾ നിർമ്മിത ബുദ്ധിയുടെ കള്ളത്തരം
കൂടി ഛായാമുഖിപഠിച്ചിരിക്കുന്നു..
കള്ളത്തരങ്ങളോട് കൂട്ടുകൂടാൻ
ഒരുപാട് ഇഷ്ടം തന്നെഇവൾക്ക്..
പലതിനോടും ഒട്ടിച്ചേർന്ന് നിൽക്കാനും..
അതും അരുതാത്തതിനോട് പ്രത്യേകിച്ച്
അടർത്തി മാറ്റാൻ
ശ്രമിക്കുമ്പോഴൊക്കെയും വീണ്ടും വീണ്ടും
അതിനോട് കൂട്ടുകൂടുന്നു..
തെറ്റിദ്ധാരണ വേണ്ട ഈ
മുഖപുസ്തകത്തിന്റെ കാര്യമായിരുന്നു അത്..
യഥാർത്ഥ്യത്തെ
സ്വീകരിക്കാൻ മടിപിടിച്ച്
നിറം കെട്ട് പോയി അത്..
മനോഹരമാക്കാം
എന്ന് കരുതിയെന്നാൽ
ആരായിരിക്കാം
ഇത്രയും ദുരിതം വിതയ്ക്കുന്നത്
അവളിൽ
ഛായാമുഖിയിൽ നോക്കുമ്പോൾ നിങ്ങൾക്ക് അവന്റെ
മുറിഞ്ഞ ഹൃദയം കൂടി കാണാം..
അവനും അവളും
ഒന്നുചേർന്ന് ഒരു മനസ്സായവർ..
അവളുടെ മുറിപ്പാട്
അവനിലും കാണാം..
എങ്കിലും ചിലപ്പോഴവിടെ
സോപാനഗീതവും മുഴങ്ങാറുണ്ട്
ഏതോ പഴകിപതിഞ്ഞ..
രജിത. എൻ കെ🪷

ഛായാമുഖി ഒരു അത്ഭുതകണ്ണാടി
അതിൽ നോക്കുമ്പോൾ നമ്മുടെ മനസ്സിലെ ഹൃദയത്തിലെ കാഴ്ചകൾ കാണാൻ സാധിക്കുന്നു