🌳 മനസ്സിൻ കളികൾ🌳

രചന : രജിത. എൻ.കെ🪸 ✍️

ചിലപ്പോൾ മനസ്സ്
പല കാലങ്ങളിലേയ്ക്കും
സഞ്ചരിക്കും..
നീന്തൽകുളത്തിൽ
മുങ്ങിക്കിടന്ന് മുടി ആകെ മുകളിലേയ്ക്ക്
ഉയരുന്നതുപോലെ തോന്നും..
അപ്പോൾ അവൾക്ക് ചുറ്റും പൊടിമീനുകൾ വന്ന്
അവളോട് വിശേഷം ചോദിക്കും
മിക്കപ്പോഴും എവിടെയൊക്കെയോ
അത് അലഞ്ഞു നടക്കും..
പഴയ തമിഴ്ഗാനം
കേൾക്കുമ്പോൾ
അവന്റെ കണ്ണിലെ
കുസൃതി ഓടിയെത്തും..
പുതുതായി വായിക്കുന്ന നോവലിൽ ഇറങ്ങി നടന്ന്..
അതിലെ
സംഭവങ്ങൾ ആളുകൾ പരിചിത
സ്ഥലവുമായി ചേർത്തുവെയ്ക്കാൻ
ശ്രമിക്കും..
വീണ്ടും മഴ വരുമ്പോൾ
മഴയുടെ മനോഹാരിതയെ
ശ്രദ്ധിക്കുമെങ്കിലും
മഴയിൽ നനഞ്ഞ് കുതിർന്ന പഴയ കഥകളിലെ
നായികയാകും..
ചായ കുടിക്കുമ്പോഴും
ചക്ക കഴിക്കുമ്പോഴും
ഭൂതകാലത്തിലേയ്ക്ക്
ഊളിയിട്ട് ആ രുചിയിൽ എത്തപ്പെടും..
മറ്റു ചിലപ്പോൾ..
ഹൃദയം അവിടെ പവിഴദ്വീപും
മുല്ലചെടിയും സൗഗന്ധികവും
ഒരുക്കിവെയ്ക്കും..
പുതുക്കലിന്റെ ഭാഗമായി
പുതുകാഴ്ചകൾ തേടിനടക്കും..
മിക്കദിവസവും
എഴുതിയ കഥയെ
കവിതയെ വീണ്ടും വീണ്ടും അയവിറക്കി
അതിൽ മറന്നുപോയ വരികളെ മറക്കാൻ ശ്രമിക്കും..
ആരോ എഴുതിയ മറുപടി വരികളോർത്ത്
ഇടയ്ക്ക് മനസ്സ്
അങ്ങോട്ട് ഒരു എത്തി നോട്ടം നടത്തും…
വീണ്ടും ശൂന്യതയും
വിഷാദവും നിറയുമ്പോൾ
അത് പോയകാലത്തെ തെറ്റായചിന്തകളെ
കുറ്റം പറഞ്ഞുകൊണ്ടിരിക്കും
നാരകപ്പൂക്കൾക്ക്
മാത്രമല്ല ഇലകൾക്കും
കായ്കൾക്കും ഒരേ മണമാണ്..
വേരുകളിലൂടെ പകരുന്ന തെറ്റായ
രീതികൾ പോലെ..
മനസ്സ് അവളെ ചിലപ്പോൾ
വൃക്ഷമായി സങ്കല്പിച്ച് നിശ്ചലമാക്കി കളയും..
വേരുകൾ ആഴ്ത്തിലാഴ്ത്തിയ
പിന്നെ ഒരു ശലഭമാക്കി മാറ്റി കളയും
പാടുന്ന കിളിയാക്കിയും രൂപമാറ്റം വരുത്തും..
മഞ്ഞമന്ദാരപ്പൂവിനെ
കണ്ട് ഹൃദയം ചിലപ്പോൾ മതിമറക്കും..
ഏതിനെയെങ്കിലും
കണ്ട് കണ്ണ് വെയ്ച്ചാൽ
അതിന് ദോഷമായിത്തീരുമെന്ന് അറിയാമെങ്കിലും..
കണ്ണുപൊത്തി കളിച്ച്
മനസ്സ് വീണ്ടും ആ വഴിയെ സ്നേഹിക്കുവാൻ തുടങ്ങും..
തുടങ്ങും..
മഴ എന്തിനാണ് വാടിവീഴുന്ന
ചെമ്പരത്തിയെ ഇത്രയും സ്നേഹിക്കുന്നത്
വെറുതെ ഓർത്തു പോയി..
പ്രണയമല്ല കരുതൽ മാത്രമത്
എന്ന് വീണ്ടും വിചാരിച്ചു.. മഴ നനഞ്ഞു..
വേദനയുടെ ആഴിയിൽമുങ്ങിത്താഴുമ്പോൾ
മണ്ണിലലിഞ്ഞ് പോകുവാൻ ദാഹിക്കും..
മനസ്സിന്റെ ഈ ആവർത്തനമായ യാത്രകൾ
നടത്തുന്നത് തടഞ്ഞ് മുള്ളുവേലിയും
ലക്ഷ്മണരേഖയും വരച്ച്
പരിധിക്കുള്ളിലാക്കാനും വൃഥാ
അവൾ ശ്രമിച്ചു കൊണ്ടിരിക്കാറുണ്ട്..
ഒടുവിൽ
ഭാവിയും ഭൂതവും മറന്ന് ഇന്ന് വിരിഞ്ഞ
പൂക്കളെ നോക്കിയിരിക്കാൻ ശ്രമിച്ചു..
മഴയുടെ പുതുഗാനത്തെയും