രചന : അബു താഹിർ തേവക്കൽ ✍️
എന്നിഷ്ട്ടങ്ങളുടെ
പഴന്തുണികളിൽ
നിന്നോർമ്മകളുടെ സുഗന്ധം
നിറയുന്നു…
എൻ മനസ്സിന്റെ തുഞ്ചത്ത്
മോഹക്കിളിയായ്…
കനവുകളുടെ താഴ്വരകളിൽ
പ്രണയമഴയായ്…
പ്രളയമായ് തീർന്നൊരാ-
സ്നേഹമഴയിൽ…
വിരഹങ്ങളുടെ കനൽകുറ്റികൾ
കുതിർന്നുടഞ്ഞും…
പ്രണയത്തിന്റെ ഹൃത്തിൽ
നീ…ഇണയായ് മാറിയും…
എൻ വസന്തകാലത്തെ വരവേറ്റ്
നീ വാകപോൽ പൂത്തതും…
പോക്കുവെയിലേറ്റ് വാടിയ-
യെന്മനസ്സിൽ
നീ…കുളിർത്തെന്നലായ് വീശിയും
വേരറ്റ വിരഹങ്ങൾ പാഞ്ഞൊളിച്ചും
വേരാഴം പൂണ്ടൊരാ…
പ്രണയദിനങ്ങൾ
പ്രണയത്തോപ്പായ് നിറഞ്ഞും…
പ്രണയസല്ലാപ മധുവിധു-
രാത്രികളിൽ
നാമെഴുതിയ കനവുകളുടെ-
ഈരടികൾ
മോഹസല്ലാപത്തിന്റെ-
ഗസലുകളായ് മുഴങ്ങും…
ഒന്നിച്ചദിനങ്ങളിലെ ഓർമ്മകളുടെ-
മഞ്ചലിൽ
കാലംനമുക്കായ് വെഞ്ചാമരവും-
വീശും…
കാതരയായ നീയെനിക്ക്
ഈകാലം എനിക്കായ് നീട്ടിയ നഷ്ട്ടവസന്തത്തിലെ
കിട്ടാകനിയായ് മാറുമ്പോൾ…!
തൂത്തെടുത്ത ജീവിതോർമ്മകളുടെ
ഭാണ്ഡകെട്ടുകളിൽ
നിന്നോർമ്മകൾ മാത്രം-
സുഗന്ധം നിറക്കുന്നു…!