🌳 തണൽ മരം🌳

രചന : ശോഭ.വി.എൻ. പിലാക്കാവ്✍

തണലായിരുന്നൊരാ മരമിന്ന്
തണലേകീടാനെത്ര വെയില് കൊണ്ടു…..!!
തളരാതെയേവരുമാമര ചില്ലയിൽ…
തകരാതെയെത്ര കൂട് വെച്ചു !!
തൊട്ടു തലോടി കരുതലായി തൻ
കുഞ്ഞിനെ പോലെന്നുംതോളിലേറ്റി!
ചില്ലക്കുണക്കoവരുന്നുവോ കൂടുകൾ…..
മെല്ലെയോരോന്നദൃശ്യമായി!!
വലുതാം മരത്തിന്റെ വെള്ളയിൽ മെല്ലവെ…
വിള്ളലും കാണുന്നങ്ങിങ്ങായി!
കുളിരേകി നിന്നൊരിലയും പൊഴിഞ്ഞുപോയി…
പഴയതാം മരമിന്നേകനായി !!
ഇടതടവില്ലാ വരുന്നോര തിഥികൾ
ഇത്തിളായൂറ്റിയോജീവരക്തം?
കരുതാതെ, യാരെയും കരുതരുതവസാനം
കരയുമവസരമാക്കരുത് !!