🦚എന്നെക്കാൾപ്രിയപ്പെട്ട ഒരാൾ🦚

രചന : രജിത. എൻ.കെ ✍️

എന്നെക്കാൾ പ്രിയമുളെളാരു
ഒരാൾ എന്നിലുണ്ട്..
തളിരില പോലെ
മഴനിലാവ് പോലെ
കാട്ടുപൂഞ്ചോല
പോലെയോയുള്ളവൾ
മൊഴികൾ തീരെയില്ലാത്തവൾ..
പക്വതയുള്ളവൾ
അതെ അങ്ങനെ
ആരോ ഉണ്ട്..
മയിൽപ്പീലിയഴകുള്ളവൾ..
അചഞ്ചലചിത്തമുള്ളവൾ..
പുഴ ഒഴുകുന്ന വഴിയിലെ
പൂമരമായിരുന്നവൾ..
പിന്നെ നദിയിൽ
വീണു ഒഴുകി. നടക്കുന്ന
പൂക്കളായി മാറിയവൾ
നദിയുടെ ഉള്ളിലെ
മൗനസംഗീതത്തെ
അറിയുന്നവൾ
അവൾ ഒരു മഹാവൃക്ഷമായി
വേരുകൾ ആഴ്ത്താൻ
കൊതിച്ചിരുന്നു..
എവിടെയും പ്രകാശം
വിതയ്ക്കുവാൻ
മോഹിച്ചുവെങ്കിലും
മഴ വന്നു തകർത്തു
അവളുടെ മൺവിഗ്രഹം…
ഏവർക്കും കൂടുതൽ
പ്രിയമായ ഒരുവൾ
അവളുടെ ഉള്ളിൽ
കിടന്ന് ഞെരുങ്ങി
അമർന്ന് ശ്വാസം കിട്ടാതെ നശിച്ചു..
ആ പ്രിയമാർന്നവൾ
നറുപുഞ്ചിരി വിടർത്തി
ചുറ്റിലും
വാകപൂത്ത ഇടനാഴിയിൽ
മറന്നുവെച്ചു
അവളത്…
ഏറ്റവും പ്രിയപ്പെട്ട
അവളെ അവൾ ഇന്നും സ്നേഹിക്കുന്നു..
മഞ്ഞ്കണം തൂകിയ
ഭൂതകാലത്തിൻ
ശേഷിപ്പു മാത്രം..
വീണ്ടും പുതുനാമ്പ്
വിരിഞ്ഞുവെങ്കിലും
കൊടുംകാറ്റും അഗ്നിപർവ്വതങ്ങളും
തല്ലി കെടുത്തി..
നിർത്തരുത് നിങ്ങൾ
നിങ്ങളുടെ ഉള്ളിലെ
അവളെ വീണ്ടും
വീണ്ടും മിനുക്കിയെടുക്കുന്നത്
സ്വയം അഭിമാനിക്കുന്നത്..
അവളെ സ്വതന്ത്ര്യയാക്കൂ
അവളുടെ വാക്കുകൾ കേൾക്കൂ.
അവളോട് കൂട്ടുകൂടു..
അവളെ സന്തോഷിപ്പിക്കൂ..
ശ്രദ്ധയോടെ അച്ചടക്കത്തോടെ
മൗനത്തോടെ
പ്രണയത്തോടെ
അവളെ ഉയർത്തി കൊണ്ടുവരൂ
💖