🌹🌹🌹ഭാരതം മാറുകയാണ്🌹🌹🌹

രചന : എം പി ശ്രീകുമാർ ✍️

ഭാരതം മാറുകയാണ്.
അഴിമതികൾ തുടർക്കഥയായ
ഭരണങ്ങൾക്കു ശേഷം
ഇപ്പോൾ
അങ്ങിനൊന്ന് കേൾക്കുവാനില്ല.
ഭീകരാക്രമണങ്ങൾ
തുടർച്ചയായ കാലങ്ങൾക്കു ശേഷം
അത് അപൂർവ്വവും
ഒറ്റപ്പെട്ടതുമായ
ഒന്നായി മാറിയിരിക്കുന്നു.
കൊടുംഭീകരർ
അകത്തും പുറത്തും
ശിക്ഷിക്കപ്പെടുന്നു.
കാലങ്ങളോളം
മന്ദഗതിയിലായിരുന്ന വികസനം
ത്വരിതഗതിയിലാകുന്നു.
ലോകരാഷ്ട്രങ്ങൾക്കിടയിൽ
അംഗീകാരവും
ആദരവുമേറുന്നു.
ഭരണകൂടത്തിന്റെ പിഴവുകൾ
ഒറ്റപ്പെട്ട സംഭവങ്ങളായ്
ചുരുങ്ങിയിരിക്കുന്നു.
വന്നുപോകുന്ന പിഴവുകൾക്ക്,
ഇനിയൊരിയ്ക്കലും
വരാതിരിക്കത്തക്കവിധം
അന്ത്യം കുറിക്കുന്ന നടപടികളെടുക്കുന്നു.
കഴിഞ്ഞ കാലങ്ങളിൽ
ന്യൂനതകളിൽ പങ്കാളികളായിരുന്നവർ പോലും
ഇന്ന്
ഭരണകൂടത്തിന്റെ പിഴവുകൾ കണ്ടെത്താൻ
പ്രയത്നിക്കുന്നു.
കണ്ടത്തിയെന്നു കരുതിയതിനെതിരെ
ശക്തമായ് ആക്രോശിക്കുന്നു.
തൻമൂലം ഭരണകൂടം
പൂർവ്വാധികം നിതാന്ത ജാഗ്രത പുലർത്തുന്നു.
അതെ !
ഭാരതം മാറുകയാണ് !
സൗമ്യവും
ദീപ്തവും
പക്വവും
പ്രൗഢവുമാണ് ആ പ്രയാണം !!!