🖋️ അനിഴം, അനുപമം✒️

രചന : കൃഷ്ണമോഹൻ കെ പി ✍️

അനുപമ സൗന്ദര്യലഹരിയിലാറാടി
അനിഴമിങ്ങെത്തീ… വിലോലനായീ
അവനുടെ ആകാര സൗഷ്ഠവം കണ്ടിതാ
അവനിയിൽ, ജന്മങ്ങൾ കൺകുളിർപ്പൂ
അവനില്ല, അവളില്ല, അവരില്ല ,അതുമല്ല
അവനിയിൽ ദുഷ്ക്കാഴ്ചയൊന്നുമില്ലാ
അനിഴത്തിൻ വരവിലീ, ആശാലതകളും
അനുസ്യൂതമങ്ങനെ പൂത്തു നില്പൂ
അരഞൊടികൊണ്ടവൻ അകതാരിലുളവാകും
അധമമാം ചിന്തകൾ മാറ്റി നിർത്തും
അലസനെന്നാകിലും, അനിഴത്തിൻ ഹൃദയത്തിൽ
അവിരാമ സങ്കല്പം കാത്തു നില്പൂ
അപരൻ്റെ ദു:ഖത്തെയലിവോടെയേല്ക്കുന്നു
അനിഴമതെന്നതും ബാക്കിപത്രം
അതിമോഹമവനില്ല, അവനിയിൽ സുഖമില്ല
അതുമൊന്നും, പക്ഷേ മൊഴിവതില്ലാ
അനിഴത്തിൻ മനസ്സിലെ സുഖദു:ഖമോഹങ്ങൾ
അറിയില്ലയാരും മനുഷ്യർ നമ്മൾ
അനിഴത്തിൻ ചിറകതിൻ കീഴേ വസിക്കുന്നു അപരരും,
അയൽവക്കക്കാരുമെല്ലാം
അനിഴത്തിലലിവിലായ്ക്കഴിയുന്നവർക്കെല്ലാം
അനുഗ്രഹമേകുന്നു പരമേശ്വരൻ
അനിഴമീയകതാരിലറിവുള്ളവർക്കെല്ലാം
അനുപമ സുഖധാര നല്കിടുന്നൂ
അനഘമാംസങ്കല്പമുൾത്താരിലേറ്റുന്ന
അനശ്വര വാഞ്ഛകൾ തൻ്റെ മുന്നിൽ
അനിഴം പൊഴിയ്ക്കുന്ന വായ്മൊഴിത്താരിലീ,
അഖില ചരാചരം നൃത്തമാടും🧚🏽‍♂️