രചന : മംഗളൻ കുണ്ടറ✍️.
കൂടെപ്പിറപ്പിനെ ചേർത്തുനിർത്താം
കൂടെനടന്നാകൊഞ്ചൽ കേൾക്കാം
കൂടെക്കളിക്കാനുമൊപ്പം കൂടാം
കൂട്ടിനുഞാനെന്നും കൂടെ വരാം
കൂവരം കിളിക്കൂട് കാട്ടിത്തരാം
കൂടണയും കുയിൽ പാട്ടുകേൾക്കാം
കുട്ടിക്കുറുമ്പുകൾ കാട്ടിത്തരാം
കുഞ്ഞിളം കവിളിൽ ഉമ്മനൽകാം
കാറ്റത്തുപട്ടം പറത്തിനോക്കാം
കാറ്റിൻ ഗതിക്കൊപ്പമൂയലാടാം
കാലികൾ മേയുന്ന കണ്ടം കാണാം
കാട്ടുമൈനപ്പാട്ടൊന്നേറ്റു പാടാം
കാണാമറയത്തൊളിച്ചിരിക്കാം
കാതിൽ ചെല്ലപ്പാട്ടുപാടിത്തരാം
കാതങ്ങൾ നാമൊന്നുചേർന്നുനീങ്ങാം
കാവലാളായേട്ടൻ കൂടെ വരാം.