💖💖റസീന – ഒരു സ്നേഹകാവ്യം💖💖

രചന : അൻവർഷാ ഉമയനല്ലൂർ* ✍️

മാർച്ച് – 8 – ഇന്ന് ലോക വനിതാ ദിനം.

സ്നേഹപൂർവ്വം ഈ വനിതാ ദിനകാവ്യം എന്റെ പ്രിയ പത്നി 💖👑റസീനയ്ക്ക്👑💖 സമർപ്പിക്കുന്നു

💖💖ഹൃദയ കാവ്യങ്ങൾക്കു തുണയാകുമിണയിവൾ
കരുണ വറ്റുന്നകാലത്തൊരു നന്മയാൾ
മരണമെൻ ജീവൻ കവരുന്ന നാൾവരെ
കരളിൽ തുളുമ്പുന്ന കവിതയാകേണ്ടവൾ.
വാക്കുകളില്ലയീ, നിന്നെ വർണ്ണിക്കുവാൻ
നിർമ്മല സ്നേഹമേ, നീയെൻ കൃതാർത്ഥത,
*സ്നേഹ തീരത്തുനിന്നെത്തിയ ചാരുത:
പ്രേമാർദ്ര സഖിയാം ‘റസീന’-യെൻ സ്നേഹിതാ.
കൺചിമ്മി നോക്കുന്ന ചേതനാ താരമേ,
കമനീയ കവിതയായ് മാറുന്ന പ്രിയതമേ,
നീയെന്ന കാവ്യമെൻ കരളിൽ പതിയാതെ,
പോകുവതെങ്ങനെ,
സ്നഹപ്രസൂനമേ.
ശ്രദ്ധയോടെൻ വൃദ്ധ മാതാപിതാകൾക്ക്
ഹൃദയവിശുദ്ധിതൻ തണലായി നിന്നവൾ
കാലമേ, കവിതാർദ്ര ഹൃദയമേകുന്നിവൾ
വനിതാ ദിനത്തിന്റെ
പുലരിയാകുന്നവൾ.
ഗ്രാമീണമായ മനസ്സിൻ വിശാലത
മാനവമൂല്യം അറിഞ്ഞുള്ള മാതൃക,
ഹൃദയ ബന്ധങ്ങൾ ഇണക്കുന്ന പ്രേരണ
സഹനാർദ്രതേ, സഖിയാക്കിയ കല്പന.
അലിവിന്റെ തൂലികയേകിയ കാലമേ,
അറിവുണർത്തീടുന്ന നിത്യ ചൈതന്യമേ,
സ്നേഹാദരം ഇവൾക്കേകുന്നു,
പ്രിയദയെ,

പ്രിയമോടെയേവം അനുഗ്രഹിച്ചീടുക..!!💖💖

*♦️സ്വദേശം-നിളാതീരമായ പൊന്നാനി♦️.