അൻവറിന്റെ ജീവിതം , 🌹

രചന : നൗഷാദ് അറക്കൽ ✍️

​അബുവിനും ഭാര്യ ഖദീജയ്ക്കും നാല് മക്കളായിരുന്നു. മൂത്തവൻ അൻവർ. , 🌹
​അവന് താഴെ ഖദീജ വൈകിയാണ് പ്രസവിച്ചത്. ഒറ്റ പ്രസവത്തിൽ തന്നെ അവർക്ക് മൂന്ന് പെൺകുഞ്ഞുങ്ങൾ ജനിച്ചു. , 🌹
​മൂന്ന് കുഞ്ഞുങ്ങളുടെ ഒരുമിച്ചുള്ള വരവോടെ ഖദീജയുടെ ആരോഗ്യം തീർത്തും മോശമാവുകയും കുടുംബത്തിന്റെ സാമ്പത്തികാവസ്ഥ തകരുകയും ചെയ്തു‌. , 🌹
​എട്ടാം ക്ലാസ്സിൽ പഠിക്കുമ്പോൾ തന്നെ വലിയ ഉത്തരവാദിത്തങ്ങൾ അൻവറിന്റെ ചുമലിലായി. വീട്ടിലെ ഏക സഹായിയായ അൻവറിന് പിന്നീട് സ്കൂളിൽ പോകാൻ കഴിഞ്ഞില്ല. എങ്കിലും അവൻ വീട്ടിലിരുന്ന് പഠനം തുടർന്നു. , 🌹

അബു ജോലി ചെയ്തിരുന്നത് തന്റെ സുഹൃത്തും മുതലാളിയുമായ വർഗീസിന്റെ കരിമ്പിൻ തോട്ടത്തിലായിരുന്നു. , 🌹
​ഒരു ദിവസം ലോഡ് അയക്കാൻ കഴിയാതെ വന്നപ്പോൾ ആരോ വർഗീസിനോട് ദേഷ്യപ്പെടുന്നത് അബു കേട്ടു. സ്നേഹനിധിയായ തന്റെ മുതലാളിയെ ആരെങ്കിലും ആക്ഷേപിക്കുന്നത് അബുവിന് സഹിക്കില്ലായിരുന്നു. , 🌹
​അന്ന് രാത്രി, അബുവും കൂട്ടുകാരും കഠിനാധ്വാനം ചെയ്ത് ആ ലോഡിനുള്ള കരിമ്പുകൾ വെട്ടി ഒതുക്കി. എന്നാൽ വിധി കാത്തുവെച്ചത് മറ്റൊന്നായിരുന്നു. , 🌹
​ഇരുട്ടിൽ അപ്രതീക്ഷിതമായി വന്ന കാട്ടാനയുടെ മുന്നിൽ അവർ പെട്ടു. കൂടെയുള്ളവർ ഓടി രക്ഷപ്പെട്ടെങ്കിലും അബുവിന് സാധിച്ചില്ല. കാട്ടാന അബുവിനെ ചവിട്ടിക്കൊന്നു. , 🌹
​അബുവിന്റെ അകാല വിയോഗത്തിൽ തകർന്ന ആ കുടുംബത്തിന്റെ കഷ്ടപ്പാടുകൾ കണ്ട് മനസ്സ് അലിഞ്ഞ വർഗീസ്, തന്റെ വീടിനോട് ചേർന്നുള്ള ഒഴിഞ്ഞ സ്ഥലം ഖദീജയ്ക്കും മക്കൾക്കും കൃഷി ചെയ്യാനായി വിട്ടുകൊടുത്തു. , 🌹
​അൻവർ തന്റെ കൗമാരം മുഴുവൻ അധ്വാനിച്ച് ഉമ്മയെയും മൂന്ന് പെങ്ങമ്മാരെയും പൊന്നുപോലെ നോക്കി. , 🌹

വർഷങ്ങൾ കടന്നുപോയി. പെങ്ങന്മാർ വളർന്നു വലുതായി. ഒരു ദിവസം വർഗീസ് അച്ചായൻ അൻവറിന്റെ വീട്ടിലെത്തി. , 🌹
​ഗൾഫിലുള്ള തന്റെ സുഹൃത്തിന്റെ കമ്പനിയിലേക്ക് അൻവറിനായി ഒരു വിസയും വിമാന ടിക്കറ്റും അദ്ദേഹത്തിന്റെ കയ്യിലുണ്ടായിരുന്നു. , 🌹
​ഉമ്മയെയും പെങ്ങമ്മാരെയും പിരിഞ്ഞുപോകാൻ അവന് സങ്കടമുണ്ടായിരുന്നെങ്കിലും, പെങ്ങമ്മാരെ നല്ല നിലയിൽ കല്യാണം കഴിപ്പിക്കണമെന്ന ലക്ഷ്യത്തോടെ അവൻ ആ അവസരം സ്വീകരിച്ചു. വർഗീസിനോട് നന്ദി പറഞ്ഞ് അവൻ പ്രവാസ ലോകത്തേക്ക് പറന്നു. , 🌹
​ഗൾഫിൽ അവന് ഭേദപ്പെട്ട ശമ്പളത്തിൽ ജോലി ലഭിച്ചു. ആ പണം കൊണ്ട് പെങ്ങന്മാരുടെ വിദ്യാഭ്യാസം തടസ്സമില്ലാതെ നടന്നു. , 🌹
​എന്നാൽ വിധി വീണ്ടും അൻവറിനെ പരീക്ഷിച്ചു. അവൻ ജോലി ചെയ്തിരുന്ന കമ്പനി പെട്ടെന്ന് പൂട്ടിപ്പോയി. , 🌹
​നാട്ടിലുള്ളവർ ഇതറിഞ്ഞ് വിഷമിക്കേണ്ട എന്ന് കരുതി അവൻ ഈ വിവരം മറച്ചുവെച്ചു. തന്റെ സമ്പാദ്യം മുഴുവൻ നാട്ടിലെ അക്കൗണ്ടിലേക്ക് മാറ്റി, അടിയന്തിര ആവശ്യങ്ങൾക്കായി സുഹൃത്ത് വഴി ചെക്ക് ലീഫുകൾ ഒപ്പിട്ട് നാട്ടിലേക്ക് അയച്ചുകൊടുത്തു. , 🌹
​നാട്ടിൽ കാര്യങ്ങൾ സുഗമമായി നടന്നപ്പോൾ, ഗൾഫിൽ അൻവർ ഭക്ഷണത്തിന് പോലും വകയില്ലാതെ തെരുവിലായി. ആറുമാസത്തോളം പണിയില്ലാതെ അവൻ അലഞ്ഞു തിരിഞ്ഞു. , 🌹
​രാവിലെ ഒരുകഷ്ണം കുബ്ബൂസ് ചായയിൽ മുക്കിക്കഴിക്കും. ഉച്ചയ്ക്ക് കഴിക്കാൻ കയ്യിൽ ഒരു കുബ്ബൂസും പഴവും കരുതും. , 🌹

ബസ് ചാർജിന് പോലും പണമില്ലാത്തതിനാൽ ചുട്ടുപഴുത്ത മരുഭൂമിയിലൂടെ കിലോമീറ്ററുകളോളം നടന്നാണ് അവൻ പുതിയ ജോലി അന്വേഷിച്ചിരുന്നത്. , 🌹
​ഒരു ദിവസം, ഒരു ഈത്തപ്പനയുടെ തണലിലിരുന്ന് കയ്യിലുള്ള കവറിൽ നിന്ന് കുബ്ബൂസ് എടുത്തു കഴിക്കുമ്പോൾ നാട്ടിൽ നിന്ന് ഉമ്മയുടെ ഫോൺ വന്നു. , 🌹
​ചെക്ക് മാറിയതിനെക്കുറിച്ച് സംസാരിക്കുമ്പോൾ അൻവറിന്റെ തൊണ്ടയിടറുന്നുണ്ടായിരുന്നു. അത് ഉമ്മ തിരിച്ചറിഞ്ഞു
. ഈ സമയം ഫോൺ വാങ്ങിയത് രണ്ടാമത്തെ അനിയത്തിയായ സാബിറയായിരുന്നു. , 🌹
​അന്ന് സാബിറ അൻവറിനോട് പറഞ്ഞു: “ഇക്കാ… ഞാൻ ഇന്നലെ രാത്രി ഭയപ്പെടുത്തുന്ന ഒരു സ്വപ്നം കണ്ടു. ആരുമില്ലാത്ത, വറ്റിവരണ്ട ഒരു മരുഭൂമിയിലൂടെ ഇക്ക കയ്യിലൊരു കവറും പിടിച്ച്, ആകെ വിഷമിച്ച് തളർന്നു നടന്നുപോകുന്നതായിരുന്നു അത്. എനിക്ക് പേടിയാവുന്നു ഇക്കാ…” , 🌹
​താൻ ഇപ്പോൾ അനുഭവിച്ചുകൊണ്ടിരിക്കുന്ന അതേ ദയനീയ ചിത്രം നാട്ടിലിരിക്കുന്ന അനിയത്തി സ്വപ്നത്തിലൂടെ കണ്ടെന്നറിഞ്ഞപ്പോൾ അൻവറിന്റെ ചങ്ക് തകർന്നുപോയി. , 🌹
​ക്കണ്ണുനീർ പുറത്തുകാണിക്കാതെ, തൊണ്ടയിടറിക്കൊണ്ട് അവൻ പറഞ്ഞു: “ഏയ്.. അതൊന്നുല്ല മോളെ, നിന്റെ തോന്നലാണ്. എനിക്ക് ഇവിടെ ഒരു കുഴപ്പവുമില്ല, ഞാൻ വളരെ സുഖമായിട്ടാണ് ജീവിക്കുന്നത്.” , 🌹

ഫോൺ തിരികെ വാങ്ങിയ ഉമ്മ സ്നേഹത്തോടെ പറഞ്ഞു: , 🌹
​”മോനെ, നീ അറിയാൻ ഒരു കാര്യമുണ്ട്. നമ്മുടെ മൊല്ലാക്കയുടെ മോളുണ്ടല്ലോ നഫീസ, അവളെയാണ് മോന്ക്കായിട്ട് ഞങ്ങൾ ഉറപ്പിച്ചിട്ടുള്ളത്.” , 🌹
​അധികം വൈകാതെ ദൈവാനുഗ്രഹം പോലെ അൻവറിന് ഒരു വലിയ കമ്പനിയിൽ നല്ല ജോലി ലഭിച്ചു. അവൻ കൂടുതൽ കഠിനാധ്വാനം ചെയ്തു. , 🌹
​മൂന്ന് പെങ്ങന്മാരുടെയും വിവാഹം നടന്നു. അതിൽ സാബിറയെ വിവാഹം കഴിച്ചത് ഒരു പ്രവാസിയായിരുന്നു. , 🌹
​അതിനിടയിലാണ് വർഗീസ് അച്ചായൻ സുഖമില്ലാത്ത വാർത്ത അൻവർ അറിയുന്നത്. ബിസിനസ് തകർന്ന് അച്ചായന്റെ വീട് ജപ്തി ഭീഷണിയിലായിരുന്നു. , 🌹
​തങ്ങളെ അത്രയും സഹായിച്ച ആ മനുഷ്യനെ കൈവിടാൻ അൻവർ തയ്യാറായില്ല. താൻ കഷ്ടപ്പെട്ടുണ്ടാക്കിയ വലിയൊരു തുക നൽകി അവൻ ആ വീട് ജപ്തിയിൽ നിന്ന് ഒഴിവാക്കിക്കൊടുത്തു. കുറച്ചു നാളുകൾക്ക് ശേഷം അച്ചായൻ മരിച്ചു. , 🌹
​അൻവർ ജോലി ചെയ്തിരുന്ന കമ്പനിയിലെ ഉടമയായ മോഹനന്റെ മകൾ സുനിതയ്ക്ക് അൻവറിനോട് പ്രണയം തോന്നിയിരുന്നു. , 🌹

ഒരിക്കൽ സുനിതയുടെ കൂട്ടുകാരിയുടെ കല്യാണത്തിന് പോകാൻ മോഹനൻ അൻവറിനോട് ആവശ്യപ്പെട്ടു. , 🌹
​യാത്രയ്ക്കിടയിൽ സുനിത തന്റെ പ്രണയം തുറന്നു പറഞ്ഞപ്പോൾ അൻവർ അവളെ ഉപദേശിച്ചു: , 🌹
​”മോളെ, നിന്നെ ഞാൻ ഒരു സഹോദരിയായിട്ടാണ് കാണുന്നത്. നമ്മൾ തമ്മിൽ വലിയ അന്തരം ഉണ്ട്. നിന്നെ വളർത്തിയ മാതാപിതാക്കളെ സങ്കടപ്പെടുത്തി നീ ഒരു തീരുമാനമെടുക്കരുത്. നീ ഒരു കുഞ്ഞിനെ വളർത്തി വലുതാക്കിയ ശേഷം, അത് ഒരു സുപ്രഭാതത്തിൽ മറ്റൊരാളുടെ കൂടെ ഇറങ്ങിപ്പോയാൽ നിനക്ക് എന്തു തോന്നും? അതൊന്ന് ആലോചിച്ചു നോക്കൂ.” , 🌹
​സുനിതയ്ക്ക് മറുപടിയില്ലായിരുന്നു. പിന്നീട് സുനിതയുടെ വിവാഹം മറ്റൊരാളുമായി നിശ്ചയിച്ചു. , 🌹

വിവാഹദിവസം, വീട്ടിൽ മറന്നുവെച്ച സ്വർണം എടുത്തു കൊണ്ടുവരാൻ മോഹനൻ അൻവറിനെ ചുമതലപ്പെടുത്തി. , 🌹
​ആ വിലപിടിപ്പുള്ള ആഭരണങ്ങളും എടുത്ത് തിരിച്ചു വരുന്ന വഴിയിലാണ് അൻവർ സഞ്ചരിച്ചിരുന്ന വണ്ടി നിയന്ത്രണം വിട്ട് മറിഞ്ഞത്. അൻവറിന്റെ കാൽ വണ്ടിയുടെ ഡോറിനിടയിൽ കഠിനമായി കുടുങ്ങിപ്പോയി. , 🌹
​ചോര വാർന്ന്, ബോധം മറയുന്ന അവസ്ഥയിലും തന്റെ ജീവനേക്കാളും അൻവർ ഭയന്നത് മുതലാളിയുടെ മകളുടെ കല്യാണ ആഭരണങ്ങളെക്കുറിച്ചോർത്താണ്. ആ പാവപ്പെട്ടവന്റെ ആത്മാർത്ഥത അവിടെയാണ് പ്രകടമായത്. , 🌹
​ബോധം പൂർണ്ണമായും നഷ്ടപ്പെടുന്നതിന് മുൻപ് അവൻ വിറയ്ക്കുന്ന കൈകളോടെ ഫോണെടുത്ത് മോഹനനെ വിളിച്ചു. കടുത്ത വേദനയിലും അവൻ പറഞ്ഞു: , 🌹
​”മുതലാളീ, എനിക്ക് വണ്ടി മറിഞ്ഞ് അപകടം പറ്റിയിട്ടുണ്ട്… പക്ഷേ, മോളുടെ സ്വർണം സുരക്ഷിതമാണ്. അത് ഈ കാറിന്റെ സീറ്റിന്റെ അടിയിലുണ്ട്. എന്നെ നോക്കേണ്ട, നിങ്ങളാദ്യം വന്ന് ആ സ്വർണമെടുത്ത് കല്യാണം നടത്തണം…, 🌹

ലൊക്കേഷൻ അയച്ചുകൊടുത്ത്, ഫോൺ വെച്ചയുടൻ അൻവർ ബോധരഹിതനായി വീണു. , 🌹
​മോഹനനും കുടുംബവും വിവരമറിഞ്ഞ് ഉടൻ തന്നെ ലൊക്കേഷനിൽ പാഞ്ഞെത്തുകയും അൻവറിനെ ആശുപത്രിയിൽ എത്തിക്കുകയും ചെയ്തു. , 🌹
​അടിയന്തര ശസ്ത്രക്രിയയ്ക്ക് ശേഷം അൻവർ കണ്ണുതുറന്നപ്പോൾ കണ്ടത് തന്റെ അരികിൽ ആശങ്കയോടെ നിൽക്കുന്ന മോഹനനെയും കുടുംബത്തെയുമാണ്. , 🌹
​എന്നാൽ പുതപ്പിനടിയിലേക്ക് കൈയിട്ട് തന്റെ കാലുകൾ തപ്പിനോക്കിയ അൻവർ ആ യാഥാർത്ഥ്യം തിരിച്ചറിഞ്ഞു—അവന്റെ ഒരു കാൽ മുറിച്ചുമാറ്റപ്പെട്ടിരുന്നു. ആ തകർന്ന മനസ്സോടെ അവൻ ഉറക്കെ നിലവിളിച്ചു. , 🌹
​കാല് നഷ്ടപ്പെട്ട് അൻവർ നാട്ടിൽ തിരിച്ചെത്തി. ആദ്യമൊക്കെ എല്ലാവരും ഓടിയെത്തിയെങ്കിലും, പിന്നീട് അവസ്ഥ മാറി. , 🌹

സ്വാർത്ഥരായ മറ്റു രണ്ട് പെങ്ങന്മാരും അവരുടെ ഭർത്താക്കന്മാരും പതിയെ അകന്നു.
വൈകല്യമുള്ളവനെ വേണ്ടെന്ന് വെച്ച് അൻവറിനായി ഉറപ്പിച്ചിരുന്ന നഫീസയുടെ വീട്ടുകാർ കല്യാണം മുടക്കി. , 🌹
​അൻവർ താൻ സമ്പാദിച്ചതെല്ലാം പെങ്ങന്മാർക്കായി നൽകി പൂർണ്ണമായും ശൂന്യനായി നിൽക്കുന്ന അവസ്ഥയായിരുന്നു അത്. , 🌹
​അപ്പോഴാണ്, മുൻപ് അൻവർ മരുഭൂമിയിൽ കഷ്ടപ്പെടുന്നതിനെക്കുറിച്ച് സാബിറ കണ്ട ആ പഴയ സ്വപ്നവും ഇക്കയുടെ വിങ്ങലും അവൾ ഓർക്കുന്നത്. അവൾ ഈ കാര്യങ്ങളെല്ലാം പ്രവാസിയായ തന്റെ ഭർത്താവിനോട് തുറന്നുപറഞ്ഞു. , 🌹
​ഒരു പ്രവാസിക്ക് മറ്റൊരു പ്രവാസിയുടെ വേദന തിരിച്ചറിയാൻ വലിയ താമസമൊന്നും വേണ്ടി വന്നില്ല.

മരുഭൂമിയിലെ ഒറ്റപ്പെടലും പട്ടിണിയും അധ്വാനവും എന്താണെന്ന് നന്നായി അറിയാവുന്ന ആ മനുഷ്യൻ, അൻവർ അന്ന് അനുഭവിച്ചതും ഇന്ന് നാട്ടിൽ അനുഭവിക്കുന്നതുമായ പ്രതിസന്ധി പെട്ടെന്ന് തന്നെ മനസ്സിലാക്കി. , 🌹
​അദ്ദേഹം ഉടൻ തന്നെ സാബിറയുടെ അക്കൗണ്ടിലേക്ക് ഒരു വലിയ തുക അയച്ചുകൊടുത്തു കൊണ്ട് ഭാര്യയോട് പറഞ്ഞു: , 🌹
​”സാബിറാ… നിന്റെ ഇക്ക അവിടെ അനുഭവിച്ച കഷ്ടപ്പാടും ഇപ്പോഴത്തെ അവസ്ഥയും എനിക്ക് മനസ്സിലാകും. ഒരു പ്രവാസിയുടെ സങ്കടം അത് അനുഭവിച്ചവർക്കേ അറിയൂ. ഞാൻ നിന്റെ അക്കൗണ്ടിലേക്ക് പണം അയച്ചിട്ടുണ്ട്. നീ നാട്ടിൽ നിന്നുകൊണ്ട് തന്നെ ഇക്കയ്ക്ക് ആവശ്യമുള്ളതെല്ലാം ചെയ്ത് കൊടുക്കണം. അവരെ സംരക്ഷിക്കണം.” , 🌹
​ഈ കഠിനമായ പ്രതിസന്ധി ഘട്ടത്തിൽ അൻവറിന് തളരാതെ നിൽക്കാൻ കരുത്തായത് സാബിറയും അവളുടെ ഭർത്താവും നാട്ടിലേക്ക് അയച്ചു നൽകിയ ആ സാമ്പത്തിക സഹായങ്ങളും ഉമ്മയ്ക്ക് നൽകിയ വലിയ പിന്തുണയുമായിരുന്നു. , 🌹

മറ്റു രണ്ട് സഹോദരിമാരും ഭർത്താക്കന്മാരും തങ്ങളുടെ സ്വാർത്ഥ താല്പര്യങ്ങളിലേക്ക് ഒതുങ്ങിയപ്പോൾ, സാബിറയും പ്രവാസിയായ ഭർത്താവും മാത്രം അൻവറിന് തണലായി നിന്നു. , 🌹
​ഇതിനിടയിൽ വർഗീസ് അച്ചായന്റെ മകൾ സൂസന്നയും ഭർത്താവ് ബെന്നിയും വന്ന് ഖദീജയുടെ കയ്യിൽ ഒരു ആധാരം കൊടുത്തു. അച്ചായൻ മരിക്കുന്നതിനു മുൻപ് ഈ വീടും സ്ഥലവും അൻവറിന്റെ പേരിലാക്കിയിരുന്നു. , 🌹
​ബെന്നിയും സൂസന്നയും ചേർന്ന് അവരുടെ അയൽവാസി പാത്തുവിന്റെ മകൾ മുംതാസിനെ അൻവറിന് വിവാഹം കഴിച്ചു കൊടുക്കാൻ ആലോചിച്ചു.
അൻവറിന്റെ നന്മയറിഞ്ഞ മുംതാസ്, അവന്റെ വൈകല്യം നോക്കാതെ ആ വിവാഹത്തിന് സമ്മതിച്ചു. , 🌹
​ഒരു ദിവസം, അൻവറിന്റെ മറ്റു രണ്ട് പെങ്ങന്മാരും ഭർത്താക്കന്മാരും ബിസിനസ്സിൽ പരാജയപ്പെട്ട്, തങ്ങളുടെ കുടുംബസ്വത്താണെന്ന അവകാശവാദത്തോടെ ആ വീടിന്റെ വിഹിതം ചോദിച്ചു വന്നു. , 🌹

അവരുടെ സ്വാർത്ഥത കണ്ട് നെഞ്ചുപൊട്ടി ഖദീജ പറഞ്ഞു: , 🌹
​”നിങ്ങളെന്താണ് ഈ പറയുന്നത്? ഇത് വർഗീസ് അച്ചായന്റെ ഔദാര്യം കൊണ്ടാണ് നമ്മൾ ഇവിടെ ജീവിച്ചത്. നിങ്ങളുടെ ഇക്ക ചോരനീരാക്കി കഷ്ടപ്പെട്ട് നിങ്ങളെയൊക്കെ കെട്ടിച്ചുവിട്ടു, ഒടുവിൽ അവനൊരു ആപത്ത് വന്നപ്പോൾ തിരിഞ്ഞുനോക്കാൻ പോലും നിങ്ങൾക്ക് തോന്നിയില്ല! അന്ന് സാബിറയുടെ പ്രവാസിയായ ഭർത്താവാണ് ഒരു പ്രവാസിയുടെ വേദനയറിഞ്ഞ് അവൾക്ക് പണം അയച്ചു കൊടുത്തതും, നാട്ടിൽ വന്ന് ഇക്കയെ സംരക്ഷിക്കാൻ സാബിറയോട് പറഞ്ഞതും. അവളും അവളുടെ ഭർത്താവും മാത്രമാണ് ഞങ്ങൾക്ക് തുണയായത്.” , 🌹
​”നിങ്ങൾ അറിയാതെ പോയ ഒരു കാര്യമുണ്ട്… നിങ്ങളുടെ ഇക്കാടെ നന്മ അറിഞ്ഞുകൊണ്ട്, മരിക്കുന്നതിനു മുൻപ് വർഗീസ് അച്ചായൻ അവന്റെ പേരിലോട്ട് മാത്രം എഴുതിവെച്ചതാണ് ഈ വീടും സ്ഥലവും! ഇതിൽ നിങ്ങൾക്ക് ഒരു അവകാശവുമില്ല, ഇറങ്ങിപ്പോകൂ എന്റെ മുന്നിൽ നിന്ന്!” , 🌹
​അമ്മയുടെ വാക്കുകൾക്ക് മുന്നിൽ തലതാഴ്ത്തി ആ ക്രൂരരായ സഹോദരിമാർക്ക് പടിയിറങ്ങേണ്ടി വന്നു. , 🌹

അവർ ഇറങ്ങിപ്പോയതിന് തൊട്ടുപിന്നാലെയാണ് ആരും പ്രതീക്ഷിക്കാത്ത ആ സസ്പെൻസ് നിറഞ്ഞ സംഭവം നടന്നത്.
അൻവറിന്റെ വീട്ടുപടിക്കലേക്ക് ഗൾഫിലെ അവന്റെ പഴയ കമ്പനി മുതലാളി മോഹനനും കുടുംബവും അപ്രതീക്ഷിതമായി വണ്ടിയിറങ്ങി. , 🌹
​ഒരു വലിയ കാരുണ്യത്തിന്റെ കഥയുമായാണ് അവർ ഗൾഫിൽ നിന്നും ഇത്രയും ദൂരം യാത്രചെയ്ത് നാട്ടിലെത്തിയത്. , 🌹
​അൻവറിന് ഒരു കൃത്രിമ കാലും ജീവിക്കാനായി ഒരു കടയും നൽകുക എന്നത് മാത്രമായിരുന്നില്ല അവരുടെ ലക്ഷ്യം. , 🌹
​അപകടം പറ്റി മരണത്തോട് മല്ലടിക്കുമ്പോഴും, തന്റെ മകളുടെ വിവാഹത്തിനായുള്ള സ്വർണ്ണം ഒന്നുപോലും നഷ്ടപ്പെടാതെ കാറിന്റെ സീറ്റിനടിയിൽ സുരക്ഷിതമായി സൂക്ഷിച്ചുവെച്ച അൻവറിന്റെ ആ അസാധ്യമായ വിശ്വസ്തതയും ആത്മാർത്ഥതയും മോഹനന്റെ കണ്ണുതുറപ്പിച്ചിരുന്നു. , 🌹
​സ്വന്തം ജീവനേക്കാൾ മുതലാളിയുടെ മകളുടെ വിവാഹത്തിന് വില കൽപ്പിച്ച അൻവറിനെ തങ്ങളുടെ സ്വന്തം കുടുംബത്തിലെ ഒരംഗമായി പ്രഖ്യാപിക്കാനും, അവന് ജീവിതത്തിൽ ഇനി ഒരിക്കലും ഒരു കുറവും വരാതെ നോക്കാനുമാണ് തങ്ങൾ എത്തിയതെന്ന് മോഹനൻ പറഞ്ഞപ്പോൾ,

വിഹിതം ചോദിച്ചുവന്ന ക്രൂരരായ പെങ്ങന്മാരുടെ തല അങ്ങേയറ്റം നാണക്കേടുകൊണ്ട് താഴ്ന്നുപോയി. , 🌹
​ആ സമയത്താണ്, അൻവറിനെ വേണ്ടെന്ന് വെച്ച് കല്യാണം മുടക്കിയ നഫീസയുടെ വാർത്ത അവരറിഞ്ഞത്. , 🌹
​വിവാഹം കഴിഞ്ഞ് ഭർത്താവിനൊപ്പം ബൈക്കിൽ പോകുമ്പോൾ സാരി ചക്രത്തിൽ കുടുങ്ങി മറിഞ്ഞു വീഴുകയും, അരയ്ക്ക് താഴെ തളർന്നുപോയ അവളെ ഭർത്താവ് ഉപേക്ഷിക്കുകയും ചെയ്തിരുന്നു. , 🌹
​നന്മ ചെയ്തവരെ ദൈവം ഒരിക്കലും കൈവിടില്ല എന്ന വലിയൊരു സത്യം ബാക്കിവെച്ചുകൊണ്ട്, പ്രവാസിയായ അളിയന്റെ കരുതലിലും, മോഹനന്റെ പിതൃതുല്യമായ സ്നേഹത്തിലും, സാബിറയുടെയും മുംതാസിന്റെയും സ്നേഹ തണലിലും അൻവറിന്റെ ജീവിതം ഒരു പുതിയ പുലരിയിലേക്ക് വഴിമാറി. , 🌹
​ശുഭം , 🌹