🍭 കണ്ണനോട്🍭

രചന : രജിത. എൻ.കെ ✍️

പ്രിയമാർന്ന സ്നേഹമേ..
നിന്നോടുള്ള എന്റെ
സ്നേഹമാണു ഞാനീ വരികളിൽ കുറിക്കുന്നത്..
നീ ഇതൊക്കെ അറിയുന്നുവോ
മയിൽപ്പീലിയിൽ മായകാഴ്ചകൾ മറയ്ക്കുന്നവനേ..
മഞ്ഞപ്പട്ടുടയാടയണിഞ്ഞ നിൻ പുഞ്ചിരി
യിൽ നീ നിത്യവും
ഗാനമുതിർക്കുന്നത്
എൻ ഹൃദയപ്രണയ- തന്ത്രിയിലായിരുന്നു..
നിന്നോടു കൂട്ടുകൂടാൻ മോഹിച്ചത്
നിൻ കാരുണ്യമിഴികളിലെ നറുസ്നേഹം
എന്നിലും നിറയാൻ മാത്രമായിരുന്നു..
നിന്നിലെ വനമാലയിലെ
സുഗന്ധം ആ നൻമയുടേത്
എന്നിലും നിറയാൻ
വേണ്ടിയായിരുന്നു..
മഹാദേവനോട് മാത്രമായിരുന്നു
രഹസ്യങ്ങൾ പങ്കുവെച്ചു കൂട്ടുകൂടിയത്
കാലങ്ങളായി..
നിന്നെ കാണുമ്പോഴും
മഹാദേവന്റെ
രൂപമാണ് തെളിയുന്നത്..
എന്നിട്ടും എന്തിനാണു കണ്ണാ
അകറ്റി നിർത്തിയ
നീ വീണ്ടും നിഗൂഢമായി
എന്നിൽ നിറയുന്നത്..
കൂട്ടുകാരി ദിനവും
കണ്ണന്റെ രൂപത്തെ
സ്റ്റാറ്റസ് ഇടുന്നുണ്ടായിരുന്നു..
എവിടെയും കണ്ണൻ നിറഞ്ഞു ആ
രൂപം നിറഞ്ഞു..
വീടിനകത്തേയ്ക്ക്
പ്രവേശിച്ച
പീലിയുള്ള നീലവർണ്ണ മയിൽപക്ഷിയും
കണ്ണന്റെ പൂമേനിയെ
കാട്ടിത്തന്നിരുന്നു
മഹാദേവൻ പിണങ്ങിയാലോ.-.
-യെന്ന് ഞാനും
ചോദിക്കുന്നുണ്ട്..
രണ്ടും ഒരേ ചൈതന്യത്തിന്റെ
രണ്ടുഭാവങ്ങൾ മാത്രം
രവിവർമ്മ ചിത്രത്തിന്റെ..
അമിത പ്രണയത്തിൽ നിന്നും
അകലാൻ ആയിരുന്നു
കണ്ണനിൽ നിന്നും
അകലാൻ നോക്കിയത്..
കണ്ണനുവേണ്ടി പാടുന്നത്
മഹാദേവനു ഇഷ്ടം ആകുന്നില്ലായിരുന്നു
പുതുതായി കൃഷ്ണ വിഗ്രഹം
സമ്മാനം കിട്ടിയത് കഴിഞ്ഞ ഓണത്തിനോ മറ്റോ
ആയിരുന്നു…
ഏതോ പ്രായം ചെന്ന ആരാധകൻ
നൽകിയതായിരുന്നു ഈ സമ്മാനം
തെറ്റിദ്ധരിക്കരുത്
കവിതയ്ക്ക് കിട്ടിയ ഒരേ ഒരു അനുഗ്രഹം
ഇതു മാത്രമാണ്..
എന്റെ വേര് തൊട്ട് ഇല വരെയും
മുഴുവനും കള്ളത്തരങ്ങളും പിന്നെ കണ്ണനോട്
പങ്കുവെച്ചു….. മുരളീധരനുമൊരു –
-മായാജാലക്കാരനല്ലേ..
മഹാദേവനോട് പറയാത്ത പലതും
ഇത് കണ്ട് കുശുമ്പു പിടിച്ച്
ദേവനും.. നിങ്ങൾ പറയൂ
ആരോടാണ് അവൾക്ക് പ്രിയം
അവളെ ആർക്കായിരിക്കാം
കൂടുതൽ സ്നേഹം..
ഉത്തരം എന്താകിലും
വായിക്കുന്ന ഏവർക്കും
ദേവൻമാരുടെ നല്ല ഗുണങ്ങൾ
ലഭിച്ചീടട്ടെ നിറചാർത്തായി…
രജിത. എൻ.കെ💚