💐 ചുരുണ്ടു കൂടിയ. വരാന്ത💐

രചന : രജിത. എൻ.കെ ✍️

ചുരുണ്ടു കൂടിയ വരാന്തയിലെ
മൗനം
പഴംതുണിക്കെട്ടുകൾ
പുറത്തെടുത്തു…
മനോഹരചിത്രങ്ങൾ
ഇല്ലായിരുന്ന
മഞ്ചാടിക്കാലത്ത്
ഭാവിയിൽ എങ്കിലും സുഗന്ധമുള്ള
കാഴ്ചകൾ ലഭിക്കുന്നു വിചാരിച്ചിരുന്നു.
അതേ ദുരിതപെയ്ത്ത് മാത്രം.
ഇന്നും തുടരുന്നുണ്ട്..
നരച്ച ചിന്തകളിൽ
വഴിതെറ്റി അലഞ്ഞ
വഴുതി വീഴലുകൾ മാത്രം..
ആത്മാവിലെ തിരി കെട്ടുപോയിരുന്നു.
എന്നേ അവസാനിച്ച വഴിയെങ്കിലും
പിന്നെയും വെറുതെ
മുറിവേൽക്കുന്നു..
ആൽമരച്ചോട്ടിൽ പെയ്യുന്ന
തണലിനെത്തേടി കാറ്റ്
കുന്നിറങ്ങി വന്നു..
ക്ഷണികമായ നിഴൽചിത്രങ്ങളിൽ
കാറ്റ് സ്വയം മറന്നു നടന്നു..
പുഴ കടൽ കടന്ന്
കടൽ കടന്ന് വാക്കുകൾ
ചുറ്റിക്കറങ്ങി എങ്ങോയെത്തി..
വരണ്ട നെഞ്ചിലെ ചിതറിയ
കാഴ്ചകൾ അകന്നു മാഞ്ഞു പോയി
ഒടുവിൽ നിശ്ചലമായ
പ്രണയബിന്ദുവിനെ വലംവെച്ച്
അവൾ ഒരു വൃത്തമായിത്തീർന്നു.
അപൂർണമായ ശില്പം
ചിറക് നഷ്ടപ്പെടുത്തി
നിലതെറ്റി താഴേയ്ക്ക് പതിച്ചു.
എങ്കിലുമാ കൊടുംഇരുളിലും
പുഞ്ചിരി തൂകിയ അക്ഷരങ്ങൾ
അവൾക്ക് ചെറുസാന്ത്വനമായി
. രജിത. എൻ.കെ🍁
പുസ്തകം വാങ്ങുന്നവർ 8891768118
ഈ നമ്പറിൽ പോസ്റ്റൽ ഫീ അടക്കം
200 രൂ ഗൂഗിൾ പേ ചെയ്യുക. നിങ്ങളുടെഅഡ്രെസ് ഫോൺ നമ്പർ കൂടി അയക്കുക 🙏