🧡 പൂരക്കളി🧡

രചന : രജിത. എൻ.കെ. ✍️

കാമദേവന്റെ പുനർജ്ജനിക്കുവേണ്ടി പതിനെട്ടു കന്യകമാർ കളിച്ച കളിയാണ് പൂരക്കളി.
പൂവാളി, പൂർണ്ണാ ഹരി തുടങ്ങിയ ഏഴു രാഗത്തിൽ കളിച്ചതാണ് ആദ്യത്തെ സമ്പൂർണ്ണ ശ്രുതി.
” നാരായണ… നാരായണ വാസുദേവാ കൈതൊഴുന്നേൻ’
എന്നു തുടങ്ങി
” നാരായണ നമനമാഹരി വാസുദേവ വാകളിപ്പാൻ’
പേരായിരമുള്ളവനെ ഹരിപേയാ കൽവാൻ വരം നൽകെ’
എന്നുവരെയുള്ള ഏഴുകളികളാണ് സമ്പൂർണ്ണശ്രുതി.
രണ്ടാമത്തേത് അപുടശ്രുതിയാണ്.
ഇതിൽ ശങ്കരവർണ്ണിനി,സൈന്ധവി തുടങ്ങിയ രാഗങ്ങളാണ് ഉള്ളത്.
അഹല്യ, ദ്രൗപതി തുടങ്ങി അഞ്ചു സ്ത്രീകളാണ് ഇത് നടിച്ചത്.
ഇതിൽ അവസാന കളി ” നമ്മൊ നമ നമ നമ്മൊ നാഥൻ നമ നമ നമ്മേ, നാഥൻ നമ നമ നമ്മോ വാസുദേവ ശരണം ഞാൻ’
ഇത് മണ്ഡോദരി പാടി കളിച്ചതത്രേ..
ഈ കളി പ്രൗഢഗംഭീരമായി കളിക്കാവുന്നതാണ്.
ഷഡവശ്രുതിയാണ് അവസാനത്തേത്
മഞ്ജരി, മലഹരി തുടങ്ങി ആറുരാഗങ്ങളുണ്ട്.
ഭൂമിദേവി, നദീദേവി തുടങ്ങിയ ആറു കന്യകമാർ പാതാളത്തിൽ വെച്ച് നടിച്ചതാണീ കളി..
” ഹരി നമ്മൊ നമ്മൊ നാരായണ നമ്മൊ
ഗുരുനാഥൻ നാഥൻ നാരായണ നമ്മോ’
എന്നു തുടങ്ങുന്നു.
തീയ്യൻ അല്ലാത്തതുകൊണ്ട് പൂരക്കളി കളിക്കാൻ
പറ്റാത്ത വിഷമം
സി.വി.ബാലകൃഷ്ണൻ” പരൽമീൻ നീന്തുന്ന പാടം’
എന്ന ആത്മകഥയിൽ പറയുന്നുണ്ട്..
ഇപ്പോൾ എല്ലാജാതിക്കാരും പൂരക്കളി കളിക്കുന്നു.
ആചാരസ്ഥാനങ്ങളിൽ കളിക്കാറുള്ള ഈ കളി ഇപ്പോൾ പൊതുവേദികളിലും
മത്സരങ്ങളിലും കളിക്കുന്നുണ്ട്.
മണിക്കൂറുകൾ നീണ്ടുനിൽക്കുന്ന കളി വളരെ ചുരുങ്ങിയ സമയത്തേയ്ക്ക് മാത്രമായി ഒതുങ്ങിയിരിക്കുന്നു.
കാവുകൾ, മുണ്ട്യ, അറ കണ്ണങ്ങാട് ഇവിടെ ഒക്കെ പൂരക്കളി കളിക്കുന്നു.
തീയ്യ, യാദവ, ചാലിയ, മൂവാരി, മൂകയ, ശാലിയ തട്ടാൻ, മൂശാരി
എന്നീ വിഭാഗക്കാരാണ് പണ്ടൊക്കെ പൂരക്കളി കളിക്കാറുള്ളത്..
മനസ്സിനും ശരീരത്തിനും ആരോഗ്യം പ്രധാനം ചെയ്യുന്ന പൂരക്കളി എന്ന ക്ഷേത്രകല
എന്നെന്നും നിലനിൽക്കട്ടെ.