രചന : ആർ രാജ് ✍
ഓൺലൈൻ സൗഹൃദങ്ങൾ പലപ്പോഴും
അപരിചിതരുടെ നിഴലിൽ തന്നെയാണ് ജനിക്കുന്നത്…
യാഥാർത്ഥ്യത്തിൽ
ഒരു വിരൽപാട് മാത്രം അകലെയായിരുന്നാലും,
“നിരസിക്കപ്പെടുമോ” എന്ന ചെറിയ ഭീതി
നമ്മളെ പിന്തിരിപ്പിക്കും—
പറയാതെ പോകുന്ന വാക്കുകൾ,
നീട്ടാതെ പോകുന്ന കൈകൾ…
പക്ഷേ ഇവിടെ
സ്ക്രീനിന്റെ മറവിൽ,
ഹൃദയം അല്പം ധൈര്യമായി മാറും…
പ്രതികരണങ്ങൾ നേരിട്ട് വേദനിപ്പിക്കില്ലെന്ന
ഒരു ചെറിയ ആശ്വാസത്തിൽ,
നമ്മൾ തിരയുന്നു
നമ്മൾ ആഗ്രഹിക്കുന്ന ഒരാളെ…
അവരെ ആകർഷിക്കുന്നത് പലതാകും
ഒരു മുഖത്തിന്റെ സൗന്ദര്യം,
ഒരു എഴുത്തിന്റെ നനവ്,
അല്ലെങ്കിൽ
“ഇവൻ/ഇവൾ എന്നെ മനസ്സിലാക്കും”
എന്നൊരു മൗനവിശ്വാസം…
ചിലർ ആവശ്യം തീരുമ്പോൾ മാറിപ്പോകും,
പക്ഷേ പലരും..
ഇത്തരം ബന്ധങ്ങളെ
മുറുകെ പിടിക്കാനാണ് ശ്രമിക്കുന്നത്…
കാരണം,
ഇത്തരം ഒരു ബന്ധത്തിൽ
“connected” ആയിരിക്കുക എന്നത്
വെറും സംഭാഷണം അല്ല
ഒരു ചെറിയ സന്തോഷത്തിന്റെ
നിശ്ശബ്ദമായ സാന്നിധ്യമാണ്…
ഞാനും…
അത്തരത്തിൽ ആഗ്രഹിക്കുന്ന സൗഹൃദങ്ങളിൽ
നൂലിഴ പോലെ ബന്ധപ്പെട്ടു,
ഒരാളെയും വിട്ടുപോകാതെ
ബന്ധങ്ങൾ കൂടെ നിർത്താൻ
ഇഷ്ടപ്പെടുന്ന ഒരാൾ തന്നെയാണ്…
നൂലിഴ പോലെ ബന്ധിപ്പിച്ചാൽ
അത് എന്നും നിലനിൽക്കും… ✨
.