രചന : ഗ്രാമീണൻ ഗ്രാമം ✍
മനസ്സെത്തുന്നിടത്ത്
വാക്കെത്തിക്കാനാവാതെ
വിശന്നുകൂനിപ്പോകുന്ന
എന്റെ തെരുവുമക്കള്ക്ക്
ഒരു വിഷുക്കൈനീട്ടം
കൂത്താടിപ്പെണ്ണുപെറ്റ
കൂത്തിച്ചി മക്കളല്ല
വെയിലുതിന്നും വിശപ്പിന്റെ
നീരിറങ്ങാ കാഴ്ച ഞങ്ങള്
കുടൊരുക്കി കുരവയിട്ടു
തീറെഴുതും കാഴ്ചവെട്ട
തെരുവെന്ന സാഗരത്തില്
പിച്ചതെണ്ടും അടിയാളര്
പിടിക്കാശു വാരിയിട്ടാ
ഭണ്ഡാരച്ചിമിഴുനോക്കി
നീവിളിച്ചു ചൊല്ലിടുന്നു
മോക്ഷമെന്തന്നറിയാതെ
എട്ടുകാശു നല്കിടാത്ത
മര്ത്യരല്ലേ നിങ്ങളെന്നും
അന്നദാന മഹിമചൊല്ലി
തേവര്ക്കു നേദ്യമൂട്ടും
പൊന്നുകൊണ്ടു താലിനല്കും
തുലാഭാര നേര്ച്ചകെട്ടും
ചില്ലുകാശുനല്കിടില്ല
കുഞ്ഞുകൈകള് നീട്ടിയാലും
ഭരണചക്രമുരുണ്ടിട്ടീ
പാതവക്കങ്ങടര്ന്നിട്ടും
കുഞ്ഞുപൂവിന് ദൈന്യമൊന്നും
കണ്ടതില്ല ഭരണക്കാര്
മേടവിഷു പിറന്നിട്ടും
കൊന്നയെല്ലാം കൊഴിഞ്ഞിട്ടും
കിട്ടിയില്ലാ ചില്ലിയൊന്നും
വിശപ്പറ്റ കൈനീട്ടം
വെള്ളരിപ്പൂ വാടിടുന്നു
കണിവയ്ക്കാന് പൊന്നുതായോ
പായ് വിരിച്ചു നീ കിടന്നോ
വെള്ളരിക്കാ പഴുക്കട്ടെ.