🧡വിത്തുകൾ🧡

രചന : രജിത. എൻ.കെ ✍️

ആത്മാവിൽ നട്ട
പലവിധ വിത്തുകൾ
സ്നേഹത്തിന്റെ
ദയയുടെ.. നൻമയുടെ..
പടർന്നു പന്തലിക്കാതെ
പാതിവഴിയിൽ ചിതറി
തെറിച്ചെൻ ആത്മചൈതന്യം.
എങ്കിലും ഈ പെരുമഴയിലും
പുതുനിമിഷങ്ങളെ
നിർമ്മിച്ചെടുക്കാം
വാടി വീഴേണ്ടവർ എങ്കിലും.
പുതുനിമിഷങ്ങളെ സുഗന്ധമാക്കുന്നതിൽ
പരാജിതർ നാം
എങ്കിലും വീണ്ടും ശ്രമിച്ചു നോക്കാം..
ഇന്നലെ വന്ന നിശാശലഭത്തിൻ
വഴിതെറ്റി തടവിലായി അവൻ എൻ
കിടപ്പുമുറിയിൽ..
വഴിതെറ്റുന്നവർ എവിടെയോ
തടവിലാക്കപ്പെടാം.. മനസ്സിന്റെ..
ആത്മപ്രകാശത്തിനായി
പുതുവഴിയെ പോവുക
പുതുസുഗന്ധത്തെ തേടുക
അകന്ന് മാറി നടക്കാം
പ്രിയപ്പെട്ട ഇടങ്ങളിൽ നിന്നും
അവിടം നമ്മൾ കൂടുതൽ പ്രിയമുള്ളതായിടട്ടെ..
മഴ നനഞ്ഞ ചിന്തകളിൽ
നിന്നും
ആവർത്തന ചെയ്തികളിൽ
നിന്നും
വേർപെടുത്താം പിന്നെ
നോവിൻ ഏച്ചുകെട്ടിൽ നിന്നും
ജ്‌ഞാനവും, ക്രിയാത്മകതയും
ഇച്ഛാശക്തിയും ജീവിതത്തോടുള്ള
പ്രണയത്തിന്റെയും മൂർച്ച കൂട്ടിടാം..
മഴ നനഞ്ഞിടാതെയിരിക്കാം
വെയിലേൽക്കാതെ നടക്കാം
ഭൂതവും ഭാവിയും മറന്ന്
ഇന്ന് വിരിഞ്ഞവളോട്
കവിത ചൊല്ലി കൊടുക്കാം..
നല്ല വിത്തുകൾ തെരഞ്ഞെടുക്കാം
നല്ല പ്രതീക്ഷയുടെ പ്രകാശത്തിന്റെ..
ആത്മവിശ്വാസത്തിന്റെ..
തെരെഞ്ഞെടുപ്പിന്റെ പോരായ്മകളാവാം
ജീവിതത്തിന്റെ നോവാകുന്നത്..
സംശയത്തിന്റെ വിത്തുകൾ
നമ്മെ പാതിവഴിയിൽ
എത്തിക്കാറുണ്ട്…
പിഴുതുമാറ്റാം ഇരുട്ടിന്റെ
നാമ്പുകളെ..
വിത്തുകൾ നടാൻ കാലവും
സമയവും ഇല്ല തന്നെ..
വീണ്ടും പുതുപുലരികൾ
തീർക്കൂ.
💕