🍀 കാൽപന്ത്🍀

രചന : രജിത. എൻ.കെ.✍️

എല്ലായിടത്തും എല്ലാവരും ഇപ്പോൾ ഒരു പന്തിന്റെ പിറകേയാണ്.
സുന്ദരനായ അമേരിക്കൻ കോച്ചിനെ പറ്റിയാണ്
ടി.വിയിൽ അവതാരകൻ പറയുന്നത്.
മുൻപ് ഒക്കെ സഹോദരൻ ഫുട്ബോൾ ആരാധകൻ ആയിരുന്നു.
ടൈംപീസിൽ സമയം
ഓർമ്മപ്പെടുത്തി വെച്ച് അർദ്ധരാത്രി പുലർച്ച ഒക്കെ കൂട്ടുകാരുടെ വീടുകിൽ കാൽപന്തിന്റെ പിറകേ ആർത്തുവിളിക്കും.
പല കൊച്ചു ടൂർണമെന്റുകളും കാണാൻ പോകും.
പെൺകുട്ടി ആയതു കൊണ്ട് നമ്മക്ക് അതൊന്നും പറ്റില്ല. മാത്രമല്ല ഞാനൊരു ക്രിക്കറ്റ് ഭ്രാന്തിയായിരുന്നു.

ഇന്ത്യക്കാരുടെ കളിയിലൂടെ രസം പിടിക്കുന്നവൾ..
ഫുട്ബോളിൽ ആ സമയത്ത് ബ്രസീലിന്റെ കളിയായിരുന്നു ഏറ്റവും ഇഷ്ടം’.
അനിയത്തിയുടെ മോനും ബ്രസീൽ ഇഷ്ടം.
അവൻ വന്നാൽ കേരളാ ബ്ലാസ്‌റ്റേസിന്റെ മിക്ക കളികളും കാണാറുണ്ട്. അവൻ നെയ്മർ ഫാനാണ്. അവൻ മഞ്ഞ ജെഴ്സിയിൽ
ഫുട്ബോൾ കളിക്കാറുണ്ട്..
എംബാപ്പായുടെ കളി ഇഷ്ടം..
കഴിഞ്ഞ ഫൈനൽ കളികണ്ടിരുന്നു.
മെസിയുടെ വിജയം കണ്ട് സന്തോഷം തോന്നി..
പുസ്തകവീട് വായനശാലയിൽ
കൂറേ ആൺപിള്ളേർ കളി കാണുന്ന
ശബ്ദം ഇവിടെ കേൾക്കാം. അവർ ആർത്ത് വിളിക്കുന്നത് ഇവിടെ അറിയാം..
അയൽപക്കത്തെ കുട്ടുവിന്
പോർച്ചുഗലിനെയാണ് ഇഷ്ടം.

റോണാൾഡോയെ..
ഏട്ടന്റെ മോൾ ബ്രസീലിന്റെ ജെഴ്സി അണിഞ്ഞ സ്‌റ്റാറ്റസ് ഇട്ടു.. മിക്കവരും
പ്രിയ ജെഴ്സിയിൽ രസം പിടിച്ച
ഫോട്ടോയിടുന്നു..
ഇവിടെ തിരുവില്യാംകുന്ന് ശിവക്ഷേത്രത്തിന് തൊട്ടുതാഴെ വിശാലമായ മൈതാനത്ത് ഫുട്ബോൾ നടക്കുന്ന വൈകുന്നേരങ്ങളിൽ അവിടെ പോകാറുണ്ടായിരുന്നു
വെറുതെ ആളുകളുടെ കൂടെ നടക്കാൻ മാത്രം. കളി അത്രയും
രസത്തിൽ ഒന്നും കാണില്ല. വത്സല ചേച്ചിയുടെ രജിലയുടെ കൂടെ ഒരു നടത്തം.
ലോകകപ്പ് കാണുമ്പോൾ മറ്റു പലതും ഞാൻ ശ്രദ്ധിക്കും..ആ രാജ്യം അവിടത്തെ ആളുകൾ.
പത്രത്തിൽ ആ രാജ്യത്തെ കുറിച്ചുള്ള സകലകാര്യങ്ങളും അരിച്ചു പെറുക്കി വായിക്കും..
എത്ര സുന്ദരൻമാരാണ് ചില രാജ്യത്തെ കളിക്കാർ.. വിചിത്രമായ അവരുടെ പേരുകൾ.. അറിയാത്ത കൂറേ രാജ്യങ്ങളുടെ പേര് അറിയാൻ പറ്റും..

കട്ടട്ടൗട്ട് ഉണ്ടാക്കാൻ വെച്ച പണം പാവപെട്ടവർക്ക്
നൽകിയെന്ന വാർത്ത മനോഹരം തന്നെ..
അനാവശ്യമായി ചെലവാക്കുന്ന പണം
ഫുട്ബോൾ പ്രേമികൾ നല്ല കാര്യങ്ങൾക്ക് ഉപയോഗിക്കുക..
പണക്കൊഴുപ്പിന്റെ കാൽപന്ത് കളി ചിലപ്പോൾ യുദ്ധവും ദാരിദ്രവും മറന്നു പോകുന്നു.
ഇതുവരെ കളിക്കാൻ പറ്റാത്ത ഇന്ത്യയ്ക്ക്
ഇനി എന്ന് പറ്റുമോ എന്തോ..
മലയാളിയായ തഹ്സീൻ മുഹമ്മദ്
ഖത്തറിന്റെ ടീമിൽ കളിച്ചത് വലിയ ആവേശം തന്നെ… കണ്ണൂരിലെ വളപട്ടണത്താണ് തഹ്സീൻ.
ഫുട്ബോളിനെ പ്രണയിച്ചാൽ
കുട്ടികളുടെ ആരോഗ്യം മെച്ചപ്പെടും.

മയക്കുമരുന്ന്, മൊബൈൽഫോൺ തുടങ്ങിയ ലഹരിയിൽ നിന്നും
അകന്നുമാറി നടക്കും.
കൂട്ടായ കളികൾ മാനസിക ഉയർച്ചയ്ക്കും കാരണമാകുന്നു.
ഏവരുടേയുംആരോഗ്യത്തെ ഉയർത്തുന്ന ഈ കളി ഒരു പക്ഷേ ആവർത്തന വിരസമായ ജീവിതത്തിൽ
വേറിട്ട ഒരു ചലനം സൃഷ്ടിക്കുന്നത്
തന്നെയാണ് ഇതിനോടുള്ള
ആസക്തിയ്ക്ക് കാരണം.