🌳ഒറ്റയാൾ മരം🌳

രചന : ഷീബ ഷിസ് ✍️

വിജനമായ ആ പ്രേദേശത്തു
വേനൽ ചൂടിലും തളർന്നുപോകാതെ
ആ ഒറ്റയാൾ മരം പച്ചപ്പ്‌ നിലനിർത്തി ഉയർന്നു നിന്നിരുന്നു,,,
ഇടക്ക് എപ്പോയെങ്കിലും ദേശാടനക്കിളികൾ
ആ മരത്തിൽ വിശ്രമിക്കാൻ എത്താറുണ്ട്,,
അവരുടെ യാത്രയിൽ കണ്ട വിശേഷങ്ങൾ
മരത്തോട് വർണ്ണിക്കാറുമുണ്ട്,,,
ചില്ലകൾ അനക്കി മരം എല്ലാം കേൾക്കാറുമുണ്ട്,,,
കിളികൾ പറന്നകലുമ്പോൾ
സങ്കടത്തിൽ ചില്ലകൾ അനക്കി കരയാറുമുണ്ട്,
ഒറ്റക്കായി പോയതിന്റെ സങ്കടം
ആകാശത്തിനോടും, ഭൂമിയോടും
പറഞ്ഞു പരിതപിക്കാറുണ്ട്,,,,
ഇടക്ക് വരുന്ന മഴയിൽ തുള്ളിച്ചാടാറുണ്ട്,,,,
മഞ്ഞു പുതക്കുമ്പോൾ ചില്ലകൾ വിറക്കാറുണ്ട്,,,
വേനലിൽ വെന്തുരുകാറുണ്ട്,,,
അതിനെയൊക്കെ അതിജീവിച്ചു
വരുമെന്ന് കരുതുന്ന വസന്തത്തിന് സ്വപ്നം കാണാറുമുണ്ട്,,,
പൂക്കൾ കൊഴിഞ്ഞ കായ് ഫലം നിലച്ച
ആ മരത്തെ ആരും ശ്രദ്ധിക്കാതെ ആയി,,,

ഇളകി വരുന്ന കാറ്റിനോട് ഒരു നിമിഷം എന്നെ തഴുകി പൊയ്ക്കോളൂ എന്ന് പറയാറുണ്ട്,,, മന്ദമാരുതനോട്‌ എന്റെ ചില്ലയിൽ കുറച്ചുനേരം വിശ്രമിക്കാൻ പറയാറുണ്ട്,,,
ആരുമാ മരത്തിന്റെ രോദനം കേട്ടതായി ഭവിക്കാറില്ല,,,,
ഒരിക്കൽ ഒരു ഇളം കാറ്റ് മരത്തെ തഴുകി തലോടി അവിടെത്തന്നെ നിന്നു!!!!
മരം ഇലകൾ അനക്കി ആ കാറ്റിനോട് സംസാരിക്കാൻ തുടങ്ങി,,,
കാറ്റ് ശാന്തമായി എല്ലാം കേട്ടിരുന്നു,,,
മരം ഇത്ര നാളത്തെയും തന്റെ അനുഭവത്തിൽ ഉണ്ടായ കഥകൾ കാറ്റിനോട് പങ്കുവെച്ചു,, കണ്ടതും കേട്ടതും അനുഭവിച്ചതുമായ ഒരുപാട് ഒരുപാട് കഥകൾ പറയാനുണ്ടായിരുന്നു ആ മരത്തിന്,,,
ഇതുവരെ ഉള്ളിൽ ഒതുക്കിയിരുന്ന എല്ലാ സങ്കടങ്ങളും കാറ്റിനോടയി മരം പറഞ്ഞുകൊണ്ടേ ഇരുന്നു,,,

വിജനമായ പ്രദേശത്ത് ഒറ്റപ്പെട്ടുപോയ ആ മരത്തിന്റെ സങ്കടങ്ങൾ,,,
ഒരിക്കൽ എന്നിൽ തളിരിലകൾ ഉണ്ടാവുകയും, പൂക്കളും ഫലങ്ങളും ഉണ്ടാവുകയും ചെയ്തിരുന്നു,,,
എന്നെ ചുറ്റിപ്പറ്റി കിളികളുടെ കള കള ശബ്ദവും അണ്ണാറക്കണ്ണന്റെചില്ല്‌ ചില്ല്‌ ശബ്ദവും മനുഷ്യരുടെ കുശലന്വേഷണങ്ങളും ഒക്കെ ഉണ്ടായിരുന്നു,,,
ഇന്ന് ഞാൻ ഈ കൊടും വേനലിൽ ഒറ്റപ്പെട്ടു പോയിരിക്കുന്നു,, ഇപ്പോൾ എന്നെ തേടി ആരും വരാറില്ല,, വന്നാൽ തന്നെയും എന്നിൽ ഒരു നിമിഷം പോലും തങ്ങാറില്ല,,
ഞാൻ ആഗ്രഹിക്കാറുണ്ട് എന്റെ കഴിഞ്ഞുപോയ വസന്തകാലം തിരിച്ചു കിട്ടിയിരുന്നെങ്കിൽ,,,
പക്ഷേ ഇനി ഒരിക്കലും ഞാൻ പൂക്കുകയും കായ്ക്കുകയും ഇല്ല,, എന്നിലെ വസന്തം മൺമറഞ്ഞു പോയിരിക്കുന്നു,,

കാറ്റേ നീ എന്നും എന്നെ തഴുകി തലോടി എന്റെ കൂട്ടിന് ഉണ്ടാകുമോ ,,,,?
കാറ്റിന്റെ മറുപടി ഒരു നിമിഷം മൗനം പൂണ്ടു,,,
മൗനം വെടിഞ്ഞു കാറ്റ് പറഞ്ഞു തുടങ്ങിയിരിക്കുന്നു
ഞാൻ കാറ്റാണ് എനിക്ക് എവിടെയും ഉറച്ചു നിൽക്കാൻ പറ്റുകയില്ല,,,
നിന്നെ തഴുകി തലോടി അടുത്ത മരങ്ങളിലേക്ക് ഞാൻ വീശി അടിച്ചു കൊണ്ടേയിരിക്കും,
ഇടയ്ക്ക് എപ്പോഴെങ്കിലും ഈ വേനൽ ചൂടിൽ നിന്നെ തഴുകി തലോടാൻ ഞാൻ ഒരു കുളിരായി വരാം,,, നിന്റെ ചില്ലയിൽ ഉമ്മ വയ്ക്കാം,,,
മരമേ എനിക്ക് നിന്നിൽ തന്നെ തുടരാൻ ആവില്ല,,
എന്നെ കാത്തിരിക്കുന്ന ജീവജാലങ്ങൾ വേറെയും ഉണ്ട്‌ ഭൂമിയിൽ,,,
കാറ്റ് മരത്തെ വിട്ട് അകന്നു പോയി,,
മരം ഹൃദയ ഭാരം കൊണ്ട് ചില്ലകൾ ഭൂമിയിലേക്ക് പതിപ്പിച്ചു വീണ്ടും ഒറ്റയാൾ മരമായി ഭൂമിയോടും വാനത്തോടും പരിഭവം പറഞ്ഞു വീണ്ടും വരുമെന്ന് പറഞ്ഞുപോയ കാറ്റിന്റെ വരവിനായ് കാതോർത്തു,,,,

✍️ആമി🔥