🌹ആദരാഞ്ജലി🌹 – പ്രിയ ഗായിക എസ്. ജാനകിയമ്മയ്ക്ക്, കവി ഉമയനല്ലൂരിന്റെ ഹൃദയാഞ്ജലി🙏🌹ഹൃദയകാവ്യാഞ്ജലി🙏

രചന : അൻവർ ഷാ ഉമയനല്ലൂർ ✍️

🙏🌹ആരമ്യ ഹൃദയാർദ്ര സംഗീതയാത്രയില്‍
ആറുപതിറ്റാണ്ടുനീണ്ട സപര്യയിൽ
വൈവിദ്ധ്യമാംഹൃദയഭാഷയിൽ തൻസ്വരം
മാധുര്യ മാന്ത്രികാനന്ദമായ്കേൾപ്പിച്ച
കോകിലാനന്ദമേ വന്ദിപ്പുകേരളം;
ദിവ്യസ്സരസ്വതീസാന്നിധ്യമറിയിച്ച-
ഗാനപ്രവാഹമേ, വാഴ്ത്തുന്നു സാദരം.
വിഖ്യാതഗാനങ്ങളാലെത്ര കരളു കൾ
കോരിത്തരിപ്പിച്ചുണർത്തിയാ നന്മയാൽ
തരളിതമാ,യലിഞ്ഞാർദ്ര ഹൃദയങ്ങളിൽ
നാമ്പെടുത്തെത്രയോ വാരുറ്റ വൈഭവം.
സവിശേഷ സിദ്ധിയാൽ ഹൃദ്യമായനുദിനം
ഗാനമായന്നുണർന്നോരോ മലർ സ്മിതം
“പതിനാറു വയതിനിലേ” യെന്ന,ഹൃദ്സ്വരം
സിന്ദൂര മലരായണിയിച്ചു സാദരം.
ദേശീയധാരയിൽ നാലു പുരസ്കാര-
മഹിമയാലുദയമായ്ത്തുടരുന്നു സന്തതം
കൈരളിയേകിയാ,കൈകളിൽ കമനീയ-
ലാവണ്യ ഹൃദയത്തിനന്നു മന്വബ്ദവും.
പ്രാണാർദ്ര സംഗീതരൂപമാം പ്രതിഭയെ-
പ്രണമിച്ചുപോകുന്നു പാരിൻ പ്രസൂനമേ,
പാടിപ്പതിഞ്ഞ ഗാനങ്ങൾപോൽ നിറയുന്നു;
പാരാകെയോ രോ ഹൃദയമിഴികളും.
സ്വരലയത്താലിന്നുമുണരുന്നു കരളിലായ്
കാരുണ്യസൂനമേ, വിടരുന്നയാ, മുഖം
ദീപ്തസ്മരണയായ് മാറുന്നു ജീവിതം
ദീപനാളംപോലണയുന്നുമെന്മനം.
കാരുണ്യവാരിധേ, കേഴുന്നു പാരിടം;
കാതര ഹൃദയങ്ങളാസ്വദിച്ചാ വരം
കാലമേ, മറയാതുണർത്തട്ടെ,യാ സ്വരം
പ്രണമിച്ചിടുന്നിതേൻ കാവ്യമായ്; സാദരം….

🙏🌹🌷🌹🌷🌹🙏