മതിലുകൾ
രചന : സുദർശൻ കാർത്തികപ്പറമ്പിൽ ✍ മതിലുകൾ മതിലുകളെവിടെയുമൊരുപോൽമതിലുകൾ മതിലുകൾമാത്രം!കദനത്തിൻ പടുകുഴികളിലാണ്ടുമനുഷ്യർ പിടഞ്ഞുമരിക്കേ,ഹൃദയംനൊന്തുരചെയ്യുന്നേൻ നിജ-സങ്കടമൊന്നൊന്നായിഅതുകേൾക്കാനായവനിയിലൊരുവരു-മില്ലെന്നതുതാൻ സത്യംപുലരികൾ വീണ്ടുംവീണ്ടുംപുലരു-ന്നിളവേറ്റുണരുന്നീഞാൻ!പലപല വേഷംകെട്ടിമദിപ്പൂ,പലരും ഹാ!കൺമുന്നിൽഇടനെഞ്ചിൽനിന്നോരോനിമിഷവു-മുയരുന്നാത്മഗതങ്ങൾ!പടുതയൊടെങ്കിലുമെഴുതുകയല്ലോ,കവിതകൾ നിരവധിയീഞാൻ!യുഗപരിണാമങ്ങൾക്കങ്ങേപ്പുറ-മുണ്ടൊരു പരമശ്ശക്തി!അതിനെ നിരന്തരമെന്നകതാരി-ലുറപ്പിച്ചീഞാൻ നിൽപ്പൂഅവിടുന്നേകുന്നനിതരമെന്നിൽകവന മഹാസൂക്തങ്ങൾ!അവിടുന്നേകുന്നാത്മീയതതൻധ്വനിതനിനാദശ്രുതികൾ!അവിടുന്നുജ്ജ്വലദീപശിഖയാ-യെന്നിലെരിഞ്ഞേ,നിൽപ്പൂ!അഹന്തപാടേ,യകതളിരിൽനി-ന്നകന്നകന്നേ പോകാൻ,അറിയുക മാനവരറിയുകനിത്യവു-മായതിനെപ്പുനരേവംമതിലുകളില്ലാലോകമതത്രേ,കണികാണേണ്ടൂ നമ്മൾമതിലുകൾ,മതിലുകൾ ജീവിതയാത്രയ്-ക്കതിരുകൾ തീർക്കുകയല്ലോ!